لێدوانی ڕۆژنامەوانی

ئەنبار، دووەم پارێزگا بۆ کردنەوەی سەنتەری پاراستنی ژنان لەگەڵ سندوقی نەتەوە یەکگرتووەکان بۆ دانیشتوان

٠٨ تشرینی دووەم ٢٠٢١

8ی تشرینی دووەمی 2021؛ ئەنبار، عێراق – ڕۆژی دووشەمە، پارێزگای ئەنبار بە پشتیوانی سندوقی نەتەوە یەکگرتووەکان بۆ دانیشتوان و پاڵپشتی دارایی حکومەتی سوید سەنتەرێکی پاراستنی ژنانیان لە قەزای هیت کردەوە.

سەنتەرەکە خزمەت بە هەموو پارێزگای ئەنبار دەکات وهاوکاریی دەروونی و یاسایی، ڕاوێژی پزیشکی، خزمەتگوزاریی تەندروستیی زایندەی و پاراستنی ڕزگاربووانی توندوتیژیی جێندەری پێشکەش دەکات. هەروەها ژنان و کچان سودمەند دەبن لە پرۆگرامی پەروەردەیی بە تایبەتی لێهاتوویی ژیان، بژێوی ژیان و بەشداری مەدەنیانە.

لە پاش کردنەوەی سەنتەرەکە، بەڕێز موهنەد زێباری، سەرۆکی شارەوانی هیت، دکتۆر ڕیتا کۆڵۆمبیا، نوێنەری سندوقی نەتەوە یەکگرتووەکان بۆ دانیشتوان لە عێراق و نوێنەرانی کۆمەڵگای مەدەنی و رێکخراوەکانی ژنان ئامادەبوون.

بەڕێز زێباری لە میانی قسەکانیدا وتی: "دەمەوێت سوپاسی سندوقی نەتەوە یەکگرتووەکان بۆ دانیشتوان بکەم بۆ پشتیوانییان لە ژنان و کچان لە ئەنبار. ئێمە سوپاسگوزارین بۆ یەکەم جار لە ئەنبار و بە تایبەتی لە هیت ناوەندێکی لەو شێوەیەمان هەیە. ژنان ئەندامی بنەڕەتی کۆمەڵگای ئێمەن و پاراستن و تواناسازییان کلیلی پێشکەوتنی ئەنبارە. ئەم سەنتەرە دڵنیای دەداتە ڕزگاربووانی توندوتیژیی جێندەری کە خزمەتگوزاری گونجاو وەردەگرن، هەلی ئەوەیان هەیە کە دووبارە دەست پێبکەن و بەردەوام بن لە ژیان."

دکتۆر کۆڵۆمبیا جەختی لەسەر ڕۆڵی ژنان و کچان کردەوە و وتی: "ژنان و کچان کرۆکی هەموو کۆمەڵگایەکن، ئەوان ئەو دەسەڵاتەن کۆمەڵگاکان بەرەو پێش دەبەن. سندوقی نەتەوە یەکگرتووەکان بۆ دانیشتوان پشتیوانی خۆی بۆ پارێزگای ئەنبار دووپات دەکاتەوە بۆ ئەوەی پێداویستی و مافەکانی ژنان و کچان جێبەجێ بکرێت و لە هەر جۆرە توندوتیژییەکی جێندەری پارێزراو بن."

ئەنبار، دووەم پارێزگا بۆ کردنەوەی سەنتەری پاراستنی ژنان لەگەڵ سندوقی نەتەوە یەکگرتووەکان بۆ دانیشتوان

Salwa Moussa

سه‌لوا موسا

سندوقی نه‌ته‌وه‌ یه‌كگرتووه‌كان بۆ دانیشتوان
پسپۆڕى په‌يوه‌ندييه‌كان

ڕێکخراوە بەشداربووەکانی سەر بە نەتەوە یەکگرتووەکان لەم دەستپێشخەرییە

سندوقی نه‌ته‌وه‌ یه‌كگرتووه‌كان بۆ دانیشتوان
سندوقی نه‌ته‌وه‌ یه‌كگرتووه‌كان بۆ دانیشتوان

ئەو ئامانجانەی لە ڕێگای ئەم دەستپێشخەریەوە پشتگیریان لێدەکرێت