چالاكیه‌ك به ئاماده‌بوونی ئاده‌ما دێنگی یاریده‌ده‌ری سكرتێری گشتی سه‌باره‌ت به وتاری رقوكیناوی
نه‌ته‌وه یه‌كگرتووه‌كان پشتگیری له وڵاته ئه‌ندامه‌كانی ده‌كات بۆ لێكۆڵینه‌وه له هۆكار و پاڵنه‌ره سه‌ره‌كییه‌كانی وتاری رقوكیناوی
به‌غدا، ٣ی ئاداری ٢٠٢٠:- ئێستا وتاری رقوكیناوی له‌سه‌رتاسه‌ری جیهاندا به‌شێوه‌یه‌ك ته‌شه‌نه‌ی كردووه كه نه‌ك هه‌ر بووه‌ته ئامڕازێك بۆ ده‌ربڕینی رقوكینه بەرامبەر خه‌ڵكی بیانی و ره‌گه‌زپه‌رستی و نالێبورده‌یی ، به‌ڵكوو بووه‌ته كێشه‌یه‌كی گه‌وره‌ش. (به‌گوێره‌ی پێناسه‌ی نه‌ته‌وه یه‌كگرتووه‌كان بۆ وتاری رقوكیناوی: هه‌ر جۆره وتارێک، چی به نووسین چی به هه‌ڵسوكه‌وت، كه زمانی زبر یان سووكایه‌تی و یانیش جیاكاری دژی یه‌كێك یان كۆمه‌ڵێك له‌سه‌ر بنه‌مای ئاین یان ره‌گه‌ز یان نه‌ته‌وه یان ره‌نگ یان جێنده‌ر یان هه‌ر بوارێكی تر به‌كار بێت). نه‌ته‌وه یه‌كگرتووه‌كان پشتگیری له وڵاته ئه‌ندامه‌كانی ده‌كات بۆ لێكۆڵینه‌وه له هۆكار و پاڵنه‌ره سه‌ره‌كییه‌كانی وتاری رقوكیناوی و به‌شێوه‌یه‌كی كاریگه‌رانه‌ش له‌سه‌ر ئه‌م جۆره وتارانە له كۆمه‌ڵگادا دێته ده‌نگ. چاره‌سه‌ركردنی دیارده‌ی وتاری رقوكیناوی دبێته مایه‌ی گه‌شه‌دان به كۆمه‌ڵگایه‌كی ئاشتیخواز و گشتگر و به‌ره‌نگاربوونه‌وه‌ی توندوتیژی دژی ژنان و كه‌مینه‌كان و پێشێلكارییه‌كانی تری مافه‌كانی مرۆڤیش هه‌روه‌ك چۆن رۆڵی سه‌ره‌كیش له له روبه‌روبوونه‌وه‌ی تاوانه قێزه‌ونه‌كان و هه‌تتا بگره تیرۆریش ده‌بینێت.
له ٣ی ئاداردا، به ئاماده‌بوونی یاریده‌ده‌ری سكرتێری گشتی و راوێژكاری نه‌ته‌وه یه‌كگرتووه‌كان بۆ پێشگرتن له كۆمه‌ڵكوژی و راسپێردراوی جیهانی بۆ قسه‌ی ناشیرین، ئاده‌ما دینگ، نوسینگه‌ی مافی مرۆڤی یونامی له چالاكییه‌كدا نوێنه‌رانی رێكخراوه‌كانی مافی مرۆڤی عیراق و راگه‌یاندن و رێكخراوه‌كانی یاسا و نوێنه‌رانی پێكهاته جۆراوجۆره‌كانی كۆكرده‌وه به‌مه‌به‌ستی تاوتوێكردنی تێروته‌سه‌لانه‌ی ئه‌و مه‌ترسییانه‌ی كه وتاری رقوكیناوی بۆ كۆمه‌ڵگای ده‌هێنێت. به‌شداربووان تاوتوێی هۆكاره كه‌لتوری و میراتییه‌كانی رابردوویان كرد به شه‌ڕه‌كانی ئه‌مدواییه و كاره تیرۆریستییه‌كان و شێوازه‌كانی جیاكاری و یاساكانی ئێستاشه‌وه. ئه‌وان چه‌ند پێشنیارێكیان سه‌باره‌ت به ئاوڕدانه‌وه له‌م دیارده‌یه خسته‌ڕوو. له‌م بواره‌شدا، رۆڵی رێكخه‌رانه‌ی "دەستەی راگه‌یاندن و په‌یوندییه‌كان" و به‌هاناوه‌چوونی یاساییانه‌ی دادگاكان به زه‌قی خرایه‌ڕوو و هه‌مووشیان له‌سه‌ر ئه‌وه كۆك بوون كه ئه‌م به‌رپرسیارییه‌ی پێشپێگرتن به وتاری رقوكیناوی و ئه‌نجامدانی كاری یاساییانه بۆی له ماڵه‌کان و هۆڵه‌كانی خوێندن و ژووره‌كانی هه‌واڵ و تۆڕه كۆمه‌ڵایه‌تییه‌كان و شوێنه ئاینییه‌كان و شوێنه گشتییه‌كانی تردا پێویستی به كاری هاوبه‌شانه هه‌یه.
یاریده‌ده‌ری به‌ڕێز ئه‌وه‌شی بیر ئاماده‌بووان هێنایه‌وه كه "وریایی ناوخۆیی" باجێك بوو كه ئازادی دای و هه‌مووكه‌سیش پێویسته له دژایه‌تی كردنی وتاری رقوكیناوی هه‌ر به وریایی بمێنێته‌وه. ئه‌و هه‌روه‌ها داوای له هه‌موو عیراقییه‌كانیش كرد كه دژی رق و كینه و جیاكاری و توندڕه‌ویی توندوتیژانه یه‌كڕیز و یه‌كگرتووبن.
ڕێکخراوە بەشداربووەکانی سەر بە نەتەوە یەکگرتووەکان لەم دەستپێشخەرییە
ئەو ئامانجانەی لە ڕێگای ئەم دەستپێشخەریەوە پشتگیریان لێدەکرێت
