عێراق پلانی نیشتمانی کردەیی مافەکانی مرۆڤی ڕاگەیاند
٢٦ تەمووز ٢٠٢١
نێردەی نەتەوە یەکگرتووەکان بۆ هاریکاری عێراق (یونامی)، لە ٢٦ی تەموزی ٢٠٢١ لە بۆنەیەک کە بریکاری وەزیری داد سەرۆکایەتی دەکرد و بە پشتگیری نووسینگەی سەرۆک کۆمار و نووسینگەی مافەکانی مرۆڤی یونامی ڕێکخرابوو دەستخۆشی کرد لە پەسەندکردنی پلانی کردەیی نیشتمانی پێنج ساڵەی مافەکانی مرۆڤ لە لایەن عێراقەوە.
پلانی کردەیی نیشتمانی مافەکانی مرۆڤ ، کە وەزارەتی داد ئامادەی کردووە و ئەنجومەنی وەزیرانیش پەسندی کردووە، هەوڵ دەدات تەشریعاتە نیشتمانییەکان لەگەڵ پێوەرە نێودەوڵەتییەکانی مافەکانی مرۆڤ هاوکۆک کات و سیاسەتە نیشتمانییەکانیش پتەو بکات لە پێناو پاراستنی مافەکانی مرۆڤ و برەو دان پێی و بونیاتنانی تواناکان لە بواری مافەکانی مرۆڤ لە نێو دامودەزگاکانی حکومەت .
لەم بۆنەیە خاتو دانیێل بێل بەرپرسی نوسینگەی مافەکانی مرۆڤ لە نێردەی یونامی و نوێنەری نووسینگەی کۆمسیاری باڵای نەتەوە یەکگرتووەکان بۆ مافەکانی مرۆڤ وتی " پێویستی هەبوونی کردەی بەهێز و پتەو دەربارەی مافەکانی مرۆڤ زۆر گرنگە لە رۆژگاڕی ئەمڕۆدا . پلانی کردەیی نیشتمانی مافەکانی مرۆڤ چوارچێوەیەکی پتەو بۆ چآکسازی تەشریعی و سیاسەتی و ئیجرائی فەراهەم دەکات کە لەوانیە ببنە ڕێگر بەرامبەر پێشێلکردنی مافەکانی مرۆڤ لە ئایندەدا و جیاوازییش لە ژیانی هەموو عێراقییەکان دروست بکات."
پەسەندکردنی پلانی کردەیی نیشتمانی مافەکانی مرۆڤ لە لایەن حکومەتەوە ڕەنگدانەوەی بەشداریکرنی بەردەوامی عێراقە لەگەڵ نێردەی نەتەوە یەکگرتووەکان بۆ هاریکاری عێراق(یونامی) و هەروەها لەگەڵ سیستەمی فراوانتری نەتەوە یەکگرتووەکان بۆ مافەکانی مرۆڤ بە میکانیزمەکانی پەیمانەکانی نەتەوە یەکگرتووەکانیشەوە . یونامی ئامادەیە پشتگیری حکومەت بکات بۆ مسۆگەرکردنی جێبەجێکردنی پلانی کردەیی نیشتمانیمافەکانی مرۆڤ بە تەواوی.
دەقی تەوای وتەکەی خاتو دانیال بێڵ لێرە لەم لینکە بەردەستە
نوسينگه‌ى راگه‌ياندنى يونامى
ڕێکخراوە بەشداربووەکانی سەر بە نەتەوە یەکگرتووەکان لەم دەستپێشخەرییە
ئەو ئامانجانەی لە ڕێگای ئەم دەستپێشخەریەوە پشتگیریان لێدەکرێت
