"بەهێزکردنی بەشداریپێکردنی سیاسییانەی گەنجان لە عێراق : سەکۆیکارەکانی توانا دروستکردن"

یونامی، بە هەماهەنگی لەگەڵ "لێژنەی دایەلۆگ و ئاشتیی کۆمەڵایەتی" ی سەر بە نووسینگەی سەرۆک وەزیران، ١٠ سەکۆیکاری پڕ لە سەرباس و بەشداریی لەنێوان مانگی ئاب و کانوونی یەکەمدا لەسەر بەشداریی سیاسی رێکخست بەمەبەستی دروستکردنی توانای ٥٠ گەنج لە هەردوو ڕەگەزدا. بە تێکڕایی ٤٤ کەس،کە ٢١یان ژن بوون، لە ١١ی کانوونی یەکەم لە خولی کۆتاییدا لە بەغدا بەشدارییان کرد. هەروەها، ڕاوێژکاری سەرۆک وەزیران و سەرۆکی "لێژنە" کە، دکتۆر هوشام داود، و  بەڕێوەبەری پلاندانانی وەزارەتی وەرزش و لاوان، بەڕێز ستار موجبیل، بە وتارەوە ئامادەی خولەکە بوون.

 لە وتەی کردنەوەشدا، بەرپرسی بەشی کاروباری سیاسی لە یونامی، بەڕێز موحەمەد ئەلنەجاڕ، جەختی لەسەر گرینگیی رۆڵی گەنجی کردەوە وەک هەوێنی گۆڕانکاری و ئەوەشی دووپاتکردەوە کە " یونامی درێژە بە پشتگیرییەکانی دەدات بۆ خەڵکی عێراق لەپێناو ئەنجامدانی چاکسازیی ڕاستەقینە و گەشەپێدانی درێژخایەندا." ئەو زیاتر ستایشی بەشداربووانی کرد و هانیشی دان لەسەر سوودوەرگرتن لە رێگەی  بیرۆکە و چارەسەرەکانییانەوە لە توانا زۆروزەوەندەکانیان وەک سەرچاوەی چالاکی.

هەر دوای وتاری کردنەوەش، بەشداربووان ڕاسپاردەکانی خۆیان لەسەر ٤ تەوەر خستەڕوو کە بریتی بوون لەمانەی خوارەوە:-

یەکەم: دید و بۆچوونی گەنج سەبارەت بە چاکسازی و بەرەوپێشبردن.

دووەم: رۆڵی گرینگی سیاسییانەی گەنج لە پڕۆسەی بڕیاردان و داڕشتنی سیاسەتەکاندا.

سێهەم: رۆڵی گەنج لە داڕشتنی سیاسەتدا.

چوارەم: کارنامەی گەنج و ئاشتی و سەقامگیری لە عێراق : ئاڵنگاری و هەل و هەنگاوی داهاتوو.

لە ٩ سەکۆیکارەکەی پێشتردا، لە نێوان مانگی ئاب و کانوونی یەکەمدا، بەشداربووان تاووتوێی بنەما گشتییەکانی سیستەمی دیموکراسییان کرد بەگرتنەخۆی ڕۆڵی هەڵبژاردنی پاک و بێگەرد لە بەهێزکردنی ئەو سیستەمە و سیاسەت داڕشتن و رۆڵی عێراق لە سیاسەتی دەرەوە و چۆنیەتی زاڵبوون بە سەر گرفتەکان لەپێناو نەهێشتنی بەربەستەکانی بەردەم  بەشداریی و سەرکردایەتیی چالاکانەدا. لە خولەکانیشدا، ئەوان هیوا و نیگەرانییەکانیان سەبارەت بە ڕۆڵی داهاتوویان لە گەشەپێدانی ئارامی و خۆشگوزەرانیی عێراق دەربڕی.

وێنە : ئیڤان دجۆردجێفیک لە نووسینگەی راگەیاندنی یونامی