نوێنەرانی خەڵکی خاوەن پێداویستی تایبەت و نووسینگەی یونامی لە کەرکووک کۆبوونەوە
ئەمڕۆ، ١٥ی کانوونی یەکەم، نوێنەرانی خەڵکی خاوەن پێداویستی تایبەت لەگەڵ نووسینگەی یونامی لە کەرکووک کۆبوونەوه.
ئەمڕۆ، ١٥ی کانوونی یەکەم، بە ئامادەبوونی نوێنەرانی نووسینگەکانی کاروباری سیاسی و مافی مرۆڤ و گەشەپێدان، نوێنەرانی خەڵکی خاوەن پێداویستی تایبەت لەگەڵ نووسینگەی یونامی لە کەرکووک کۆبوونەوه.
لە کۆبوونەوەکەدا، گرفتەکانی بەردەم کەرتەکانی بەکاربردن و پەروەردە و تەندروستی و بەردەستبوونی خزمەتە کۆمەڵایەتییەکان باس کران لەگەڵ دەربڕینی هەڵوێستی ئەرێنییانە و خستنەڕووی چارەسەری بنیاتنەرانەش.
نوێنەرانی خاوەن پێداویستیە تایبەتەکان داوایان لە یونامی کرد بۆ داکۆکیکردن لە جێبەجێکردنی تەواوی یاسای ژمارە ٣٨ی ساڵی ٢٠١٣ سەبارەت بە بایەخدان بە خەڵکی خاوەن پێداویستی تایبەت و هەروەها سەبارەت بە رێککەوتننامەی مافی خەڵکی خاوەن پێداویستی تایبەت و پاراستنی تەواوی مافەکانیان.
نووسینی
Human Rights Office
ڕێکخراوە بەشداربووەکانی سەر بە نەتەوە یەکگرتووەکان لەم دەستپێشخەرییە
ئەو ئامانجانەی لە ڕێگای ئەم دەستپێشخەریەوە پشتگیریان لێدەکرێت
