ئۆفیسی مافی مرۆڤی یونامی ڕاهێنانێکی بۆ ئەفسەرانی میدیای وەزارەتی ناوەخۆی عیراق ئەنجامدا

مەبەست لەو ڕاهێنانە دوو ڕۆژییە لە بەغدا، کە لەلایەن بەڕێوەبەرایەتی پەیوەندییەکان و زانیاریی وەزارەتەکەوە رێکخرابوو، بریتیبوو لە زانیاریپێدان و بەرەوپێشبردنی کارامەییەکانی راپۆرتنووسینی کارمەندان سەبارەت بە مافەکانی مرۆڤ و زمانی تەکنیکی لە نووسینی لێدوانی ڕۆژنامەوانی دەربارەی بابەتەکانی ئاسایش.

گفتوگۆکان جەختیان لەسەر چەندان بابەت کردەوە وەكو ئەرکی دەسەڵات لە ئاگادارکردنەوەی خەڵك و لە هەمانکاتیشدا دەبێ مافی گومانلێکراوان و مافی نهێنی پاراستن لەبەرچاوبگیرێت.