لێدوانی بەرێز فەرحان حەق، جێگری وتەبێژی بەڕێز ئەنتۆنیۆ گوترێش سکرتێری گشتی نەتەوە یەکگرتووەکان، دەربارەی عیراق لە میانەی وتەیەکی لە بارەگای سەرەکی نەتەوە یەکگرتووەکان لە نیویۆرك لە رۆژی دووشەممە ١٥ی ئاداری ٢٠٢٢:

لەوەلامدا دەتوانم بڵێم کە سکرتێری گشتی نەتەوە یەکگرتووەکان زۆر نیگەرانە سەبارەت بە هێرشە مووشەکییەکەی سەر هەولێر. ئەو هێرشە لە کاتێکدایە کە عیراق بە ساتێکی زۆر هەستیاردا تێدەپەڕێت بەرەو ئاشتی و سەقامگیری. دووبارە داوا لە هەموو لایەنەکان دەکات کە دانبەخۆیاندابگرن و دووربکەونەوە لە ئاڵۆزکردنی بارودۆخەکە. بەڕێزیان داوا لە هاوبەشیکارانی عیراق دەکات کە پاڵپشتی عیراق بکەن لە هەوڵەکانی بۆ بەرەوپێشبردنی ئاشتی و ئاسایش لە هەرێمەکەدا، بە ڕێزگرتن لە سەروەریی و یەکپارچەیی خاك و پەیوەندی باشی هاوسێتی.