نووسینگەی هاوکاری هەڵبژاردن (OEA) سەکۆیکارێکی بۆ کارمەندانی کۆمسیۆنی باڵای سەربەخۆی هەڵبژاردنەکان لە نووسینگەی پارێزگاکانی هەولێر، دهۆک و سلێمانی لە سەر بابەتی جێندەر لە هەڵبژاردنەکان ڕێکخست.

ڕاوێژکارانی نووسینگەی مەیدانی هاوکاری هەڵبژاردن سەکۆیکارێکی دوو ڕۆژەیان بە ناونیشانی 'چەمکی جێندەر لە هەڵبژاردنەکان' لە هەولێر ڕێکخست لە ڕێکەوتی 1 بۆ 2 ـی ئاب. سەکۆیکارەکە چەندین بابەتی گرنگی سەبارەت بە جێندەر لە هەڵبژاردنەکان لەخۆگرت بووە وەک یەکسانی و دادپەروەری و جێندەر بە گشتی، یاسای هەڵبژاردن، کۆتای ئافرەتان و توندوتیژیی ئەنجامدراو بەرامبەر بە ئافرەتان لە هەڵبژاردنەکان. لە ماوەی ئەم ڕاهێنانەدا، بەشداربووان زانیاری و تێگەیشتنیان لە سەر ئەزموونەکانی پیاوان و ئافرەتان لە پرۆسەکانی هەڵبژاردن وەرگرت ، بە جەختکردنە سەر گرنگی بەشداری ئافرەتان لە پرۆسەکانی هەڵبژارن و بنیاتنانی دیموکراسیەت، پێشکەشکردنی ئامرازەكان بۆ کارمەندانی نووسینگەی هەڵبژاردنی پارێزگاکان بۆ شیکردنەوەی پرۆسەی هەڵبژاردن و هەڵبژاردنەکان لە دیدیکێکی جێندەرییەوە. شازدە بەشداربوو لە سەکۆیکارەکە بەشداربوو بوون ، شەشیان ئافرەت بوون. کارمەندانی نووسینگەی هەڵبژاردنی پارێزگاکانی کۆمسیۆن هەر یەک لە بەڕێوەبەری نووسینگەی هەڵبژاردنی پارێزگا، سەرۆکی بەشی ڕاهێنان و کارمەندی ڕاگەیاندنی لەخۆ گرت بوو. هەروەها، پێنج بەرپرسی هەماهەنگی مەیدانی لە نووسینگەی نیشتیمانی کۆمسیۆنی باڵای سەربەخۆی هەڵبژاردنەکان و دوو کارمەندی نووسینگەی هەرێمی کوردستانی کۆمسیۆن ئامادەی ڕاهێنانەکە بوون.