نووسینگەی مافەکانی مرۆڤی یونامی دیالۆگ لەسەر ڕۆڵی میدیا / سۆشیال میدیا لە بەرەنگاربوونەوەی ووتاری ڕق و کینە

بۆ یادکردنەوەی ڕۆژی جیهانی بەرەنگاربوونەوەی ووتاری ڕق و کینە و وەك بەشێك لەچالاکییەکانیدەستپێشخەریی مافەکانی مرۆڤ ٧٥ بۆ یادکردنەوەی ٧٥ ساڵەی جاڕنامەی جیهانی مافەکانی مرۆڤ، نوسینگەی مافەکانی مرۆڤی یونامی دیالۆگێکی لەسەر ڕۆڵی میدیا لە بەرەنگاربوونەوەی ووتاری رق و کینە لە عێراق سازکرد، بەتایبەتیش ئەوانەی کە نێوەڕۆکی سۆشیال میدیا دروست دەکەن.

لە چالاکییەکەدا 33  بەشداربوون، کە بریتی بوون لە نوێنەری وەزارەت و فەرمانگەکانی حکومەت وکۆمیسیۆنی پەیوەندی و ڕاگەیاندن و ئەنجومەنی باڵای دادوەری و پسپۆڕانی میدیای تەقلیدی وکارتێکەرانی سۆشیال میدیا و کۆمیسیۆنی باڵای مافەکانی مرۆڤی عێراق و گروپە ئایینی و نەتەوەییەکان و ڕۆژنامەنووسان و چالاکوانان و و نوێنەرانی کۆمەڵگەی مەدەنی.

لە وتەکەیدا، خاتوو جینین هێنیس پلاسخارت، نوێنەری تایبەتی سکرتێری گشتی بۆ عێراق، تیشکی خستە سەر کاریگەرییە نەرێنییەکانی ووتاری رق و كینە لە عێراق، بەتایبەتی بۆ ئەو کەسانەی کە لە ئێستاوە پەراوێزخراون و بێدەسەڵات كراون. بۆیە خاتوو پلاسخارت هانی حکومەت و میدیا و کۆمەڵگەی مەدەنی دا کە پێکەوە بۆ بەرەنگاربوونەوەی ووتاری رق و كینە كاربكەن، لە هەمان کاتدا رەچاوی پاراستنی ئازادی ڕادەربڕین بكەن.

لە میانی کۆبوونەوەكان كە پڕبوون لە گفتوگۆی چالاك، بەشداربووان باسیان لە كۆمەڵێك مەسەلە و بابەت کرد، لەوانە سەبارەت بە ووتاری رق و كینە و یەکگرتوویی کۆمەڵایەتی لە روانگەی رەگەزی و كەمینەكان، هەروەها بەهێزکردنی پێكەوەكاركردن لەگەڵ دەزگاکانی ڕاگەیاندن و کۆمپانیاکانی سۆشیال میدیا بۆ چارەسەرکردنی ووتاری رق و كینە.