مافی مرۆڤ و هەستیاری جێندەری لە ڕۆژنامەگەریدا: نووسینگەی مافەكانی مرۆڤی یونامی و کۆڕبەندی ڕۆژنامەنووسانی ژنانی عێراق ڕاهێنانێکی دوو ڕۆژە پێشکەش بە ڕۆژنامەنووسانی عێراقی لە نەجەف دەکەن

لە ڕۆژانی 14 و 15ی تەمموز، نووسینگەی مافەكانی مرۆڤی یونامی بە هاوکاری کۆڕبەندی ڕۆژنامەنووسانی ژنانی عێراقی، ڕاهێنانێکی دوو ڕۆژەی تواناسازی لە نەجەف بۆ 20 ڕۆژنامەنووسی عێراقی (16 ژن و 4 پیاو) سەر پارێزگای نەجەف پێشکەش کرد. ئەم پرۆگرامە دوو ڕۆژەیە بەشێکە لە زنجیرەی پێنج ڕاهێنانی هاوشێوە کە لە پێنج پارێزگادا پلانی بۆ دانراوە جێبەجێ بكرێت و لە چوارچێوەی هەڵمەتی جیهانی ئۆفیسی مافەكانی مرۆڤی نەتەوە یەکگرتووەکان دێت بۆ ئازادی میدیا و گەیشتن بە زانیاری و سەلامەتی ڕۆژنامەنووسان.

ئامانجی ڕاهێنانەکە راهێنانی ڕۆژنامەنووسانی عێراقی بوو بە ستراتیژی و ئامرازی پێویست بەمەبەستی تێکەڵکردنی مافەکانی مرۆڤ و ڕوانگەی جێندەریەكان لەگەڵ ناوەڕۆکی ڕاپۆرتە ڕۆژنامەوانی و میدیایەکانیاندا، کە بریتییە لە پەرەپێدانی تێگەیشتن لە ڕوانگە جۆراوجۆرەکان و تەحەددیات و ئەزموونەکانی ژنان، بۆ دڵنیابوون لە نوێنەرایەتییەکی تەواو و گشتگیر لە هەواڵ و ڕاپۆرتەکاندا.

بە شێوەیەکی فراوانتر، ڕاهێنانەکە بەشداری کرد لە بەدیهێنانی ئامانجەکانی گەشەپێدانی بەردەوام لە عێراق، ئامانجی پێنجەم: یەکسانی جێندەری و ئامانجی دەیەم: کەمکردنەوەی نایەکسانی، هاوتەریب لەگەڵ کارنامەی ٢٠٣٠ بۆ گەشەپێدانی بەردەوام.