بەغدا، ٩ی حوزەیرانی ٢٠٢١ :- ئەمڕۆ لە بەغدا نوێنەری تایبەتیی سکرتێری گشتیی نەتەوە یەکگرتووەکان بۆ عێراق، خاتو جینین هێنیس پلاسخارت، کورتەیەکی سەبارەت بە دواترین بڕیاری ئەنجومەنی ئاسایشی نەتەوە یەکگرتووەکان لەسەر عێراق و فراوانکردنی ئەرکی پێسپێردراوی یونامی (ماندێت) پێشکەش بە نوێنەرانی نێردە دیپلۆماسییەکانی عێراق کرد.
هەولێر، هەرێمى کوردستانى عێراق، 2 ى حوزەیرانى 2021- ئیمرۆ کۆنفرانسێکى ئاینى لە شارى هەولێر کۆتایی پێهات، کە ڕێکخرابوو لەلایەن بەرنامەى نەتەوە یەکگرتووەکان بۆ پەرەپێدان لە عێراق، بە هاوبەشى لەگەڵ وەزارەتى کۆچ و کۆچبەرانى حکومەتى عێراق و پارێزگاى نەینەوا، و بە پشتیوانى حکومەتى دانیمارک.
سلێمانى، عێراق، 30 ى ئایارى 2021- دوای ئەوەى ئاسیاسێڵ پابەندبوونى خۆى نیشاندا بە دامەزراندنى گەنجان و پاڵپشتیکردن لە پڕۆژە بازرگانییە زۆر بچوك و بچوك و مامناوەندەکان، ئەمڕۆ کۆمپانیاى ئاسیاسێڵ ڕێکەوتننامەیەکى لێکتێگەیشتنى دوو ساڵیى لەگەڵ بەرنامەى نەتەوە یەکگرتووەکان بۆ پەرەپێدان لە عێراقدا واژۆکرد.
بەغدا،24 ى ئایارى 2021 ، ئەمڕۆ دەستپێشخەرییەکى 15 ملیۆن یۆرۆیى، کە مەبەست لێى نەهێشتنى گەندەڵى لە عێراق و پشتیوانیکردنى شەفافیەت و پەرپرسیاریەتى گشتییە، دەستیپێکرد، بە هاوبەشى لە نێوان شاندى یەکێتى ئەوروپا بۆ عێراق و بەرنامەى نەتەوە یەکگرتووەکان بۆ پەرەپێدان و دامەزراوەکانى دەوڵەتى سەر بەحکومەتى عێراقى فیدڕاڵ و هەرێمى کوردستان.
هه ولێر ٢٤ مایس ٢٠٢١ - کۆمسیاری بالای نه ته وه یه کگرتوه کان بۆ کاروباری په نابه ران دلگرانه به کۆچی دوای په ناخوازی ئێرانی که به هۆی ئاگرله خۆبه ردان له به رده م باره گای نه ته وه یه کگرتوه کان له به رواری ١٨ مایس له هه ولێر رویدا.
ھەولێر ٢٤ ئایار ٢٠٢١ - لەبەرئەوەی ملیۆنان گەڕاوەی عێراقی بەردەوام بەدەست واقیعیەتی قۆناغی دوای شەڕ و ململانێیەکان لەو ناوچانەی کە کەوتوونەتە ژێر کاریگەریەکی بەھێزی جەنگ دەناڵێنن, ڕێکخراوی نێودەوڵەتی کۆچ (IOM) لە عێراق یارمەتی ١٨ خێزانی لە بنیاتنانەوەی خانووە ڕووخاوەکانیانی دا لە بەری ڕۆژئاوای موسڵ, ئەمەش بە پاڵپشتیەکی بەخشندەی خێزخوازی قەتەری.
جنێڤ/ بەغدا ( ١٢ ی ئایاری ٢٠٢١) بەپێی ڕاپۆرتی نەتەوە یەکگرتووەکان کە ئەمڕۆ دەرچووە لەماوەی ساڵی رابردوودا بەرتەسکردنەوەی ئازادی ڕادەربڕین لەهەرێمی کوردستانی عیراقدا لە هەڵکشاندا بووە. ڕەخنەگرانی دەسەڵاتە گشتییەکان نەك تەنها دووچاری مەترسیی تۆقاندن و بەربەست خستنە بەردەم جووڵە و گرتنی هەڕەمەکی بوونەتەوە، بگرە هەندێکیان بە تۆمەتی ناوزڕاندنیش تۆمەتبارکراون، وە هەندێکیشیان لەم دوواییانەدا بەپێی یاساکانى پەیوەست بە ئاسایشى نەتەوەییەوە سزادراون.
بەغداد، ١٠ی مایس ٢٠٢١ - وەزارەتی وەرزش و لاوانی حکومەتی فیدراڵ، دیدگای نیشتمانیی لاوان ٢٠٣٠ ڕادەگەیەنێت. ئەم دیدگایە بە هاوکاریی لەگەڵ وەزارەتی ڕۆشنبیریی و لاوانی حکومەتی هەرێمی کوردستان و بە پاڵپشتیی تەکنیکیی سندووقی نەتەوە یەکگرتووەکان بۆ دانیشتوان و رێکخراوی ونیسێف و بە پشتیوانیی دارایی وڵاتی سوید (لە ڕێگەی ئاژانسی هاوکاریی گەشەپێدانی نێودەوڵەتی سوید -سیداوە) ئامادەکراوە.
