تیمەکەمان له ‌عيراق

بەڕێز غولام محەمەد ئیسحاقزای ئەفغانی لە ١ی تشرینی یەکەمی ٢٠٢٢ەوە وەك جێگری نوێنەری تایبەتی سکرتێری گشتی نەتەوە یەکگرتووەکان لە نێردەی نەتەوە یەکگرتووەکان بۆ هاریکاری عیراق (یونامی) و هەماهەنگکاری نیشتەجێ دەستبەکاربوو. بەڕێز ئیسحاقزای ئەرکی هەماهەنگکاری مرۆیی نەتەوە یەکگرتووەکانیش بەڕێوە دەبات.
بەڕێز ئیسحاقزای لەلایەن سکرتێری گشتی نەتەوە یەکگرتووەکان، بەڕێز ئەنتۆنیۆ گۆتێرێس، لە ١٩ی تەمموزی ٢٠٢٢ دەستنیشانکراوە و شوێنی ئیرینا ڤۆیاشکۆڤا-سۆلۆرانۆی ئەڵمانی دەگرێتەوە کە سکرتێری گشتیی سوپاسی خۆی بۆ سەرکردایەتیکردن و خزمەتەکەی لە ماوەی دەستبەکاربوونی دەربڕیی.
بەڕێز ئیسحاقزای ئەزموونی زیاتر لە ٢٨ ساڵ لە کاری دیپلۆماسی و بواری مرۆیی سەخت و گەشەپێدان و بووژانەوە و ئاشتی دروستکردن لەگەڵ خۆیدا دەهێنێت.
ئێستا ئەو لە مانگی کانونی یەکەمی ساڵی ٢٠٢٢ وەوە بەشێوەیەکی کاتی وەك هەماهەنگسازی نیشتەجێ و مرۆیی لە ئەردەن کار دەکات. پێشتریش ئەو وەک باڵیۆزی ئەفغانستان و نوێنەری هەمیشەیی لە نەتەوە یەکگرتووەکان لە نیۆرک کاری کردووە. پێش ئەمەش، ئەو وەک هەماهەنگکاری نیشتەجێ لە ئازەربایجان لە ٢٠١٦ بۆ ٢٠٢١ لە کۆریاش لە ساڵی ٢٠١٣ تا ٢٠١٥ کاری کردووە. ئەو هەروەها نوێنەری نیشتەجێی بەرنامەی نەتەوە یەکگرتووەکان بۆ گەشەپێدان ( یو ئێن دی پی) و ڕێکخراوی نەتەوە یەکگرتووەکان بۆ دانیشتوان (یو ئێن ئێف پی ئەی) بووە. لە ساڵی ١٩٩٧ تا ٢٠١٣ لە چەندان پۆستی جۆراوجۆری پەیوەست بە سیاسەتدانان و گەشەپێدان و مرۆیی نەتەوە یەکگرتووەکان لە ئەڵمانیا و نیپال و ئەفغانستان و سوریا و یەمەن و عێراق، وەک بۆ نموونە هەماهەنگکاری نیشتەجێ لە نیپال و هەروەها وەك بەرپرسی بەرنامەی خۆبەخشانی نەتەوە یەکگرتووەکان لە بۆن کاری کردووە.
شایانی باسە، بەڕێزیان بڕوانامەی ماستەری هونەری لە یاسا و دیپلۆماسیی لە قوتابخانەی فلێچەر و زانکۆی توفتس لە بۆستن و هەروەها بەکالۆریۆسی زانستی لە بەڕێوەبردنی کار لە زانکۆی میدلاند بەدەست هێناوە. ئەو زمانەکانی ئینگلیزی و عەرەبی و پوشتۆ و فارسی و ئوردو دەزانێت.

دکتۆر ئەلێکسەندڕۆس ک. مەکاریگاکیس لە حوزەیرانی ساڵی ٢٠٢٥ وەک نوێنەری یونسکۆ بە وەکالەت لە عێراق دەست بە کار بوو . ئەو زیاتر لە ٣٠ ساڵ ئەزموونی کاری لە بواری زانستە سروشتییەکان هەیە، کە ٢٣ ساڵی لەوانە لە سەر سەکۆی نێودەوڵەتی کاری کردووە، بە تایبەتی لە بابەتەکانی پەرەپێدانی وڵاتە گەشەسەندوو و پێشکەوتووەکان، بە تیشک خستنە سەر بەڕێوەبردنی سەرچاوە سروشتییەکان (ئاو و ژینگە) و خۆڕاگڕیی لە هەمبەر گۆڕانی کەش و هەوا و بە تایبەتیش ئاوە ژێرزەوییە سنووربەزێنەکان .
لە مانگی حوزەیرانی ٢٠٢٢ەوە دکتۆر ئەلێکساندەرۆس ماکاریگاکیس وەکو شارەزای هەرێمیی لە هایدرۆلۆجی و سەرۆکی کەرتی زانستە سروشتییەکان لە نووسینگەی هەرێمیی یونسکۆ بۆ ڕۆژهەڵاتی ئەفریقا لە شاری نایرۆبی (کینیا) کاری کردووە . سەرەڕای ئەوەش، لە مانگی تەمموزی ٢٠٢٣ تا ئەیلوولی ٢٠٢٤ وەک بەرپرسی نووسینگەی یونسکۆ لە نایرۆبی بە وەکالەت کاری کردووە.
پێش ئەم پۆستە، د. مەکاریگاکیس چەند پۆستی سەرکردایەتی و تەکنیکی لە ناو یونسکۆ وەرگرتووە ، لە ساڵی ٢٠٢١ تا ٢٠٢٢ وەک بەرپرسی نووسینگەی یونسکۆ لە تاشکەند (ئۆزبەکستان) بە وەکالەت کاری کردووە. لە نێوان ٢٠١٦ تا ٢٠٢٢ ەوە پسپۆری بەرنامە بوو لە بەشی زانستە سروشتییەکان لە بارەگای سەرەکی یونسکۆ پێشوو تریش لە نێوان ٢٠١٢ تا ٢٠١٦ دا سەرۆکی یەکەی زانستەکان بوو لە هەمان شوێن .
لە ساڵی ٢٠٠٨ تا ٢٠١٢ ، لە نووسینگەی یونسکۆ لە ئەدیس ئەبابا (ئەسیوپیا) وەک پسپۆڕی پرۆگرام لە زانستەکاندا کاری کردووە و هەروەها بەرپرسی نووسینگەکەش بووە بە وەکالەت. دکتۆر ماکاریگاکیس لە ساڵی ٢٠٠٣ ەوە لەگەڵ یونسکۆ وەک پسپۆڕی پرۆگرامەکان لە کەرتی زانستە سروشتییەکان لە نووسینگەی هەرێمیی یونیسکۆ لە ویندۆک (نامیبیا) دەستبەکار بووە .
دکتۆر ئەلێکساندەرۆس ماکاریگاکیس هەڵگڕی بڕوانامەی دکتۆرایە لە ئەندازیاری ژینگە لە پەیمانگای تەکنەلۆژیای ستیڤنز (هۆبۆکن، ئەمریکا)، هەروەها بڕوانامەی ماستەری هەیە لە ئەندازیاری شارستانی لە کۆلێژی شاری نیویۆرک (ئەمریکا)، هەروەها نووسەر و بەشداربووی چەندین توێژینەوە و کتێبی زانستییە .
دکتۆر ماکاریگاکیس ئینگلیزییەکی پاراو دەزانێت ولە زمانی فەرەنسیش دەزانێت و زمانی دایکیشی یۆنانییە.

ئێریک بوچۆت سەرکردایەتی ئۆپەراسیۆنەکانی سەنتەری بازرگانی نێودەوڵەتی دەکات لە عێراق ، کە بە شێوەیەکی سەرەکی تیشک دەخاتە سەر بەهێزکردنی زنجیرەی بەها بازرگانیە کشتوکاڵیەکان و برەودان بە سیاسەتەکانی بازرگانی . بە شارەزایی دوو دەیە لە کەرتی تایبەت و گشتی بۆ پاڵپشتیکردنی توانای کێبڕکێکردن و گەشەپێدان ، بەڕێز بوچۆت لەسەر چەندین پڕۆژەی کەرتی ئابووری جیا لە زیاتر لە ٤٠ وڵات کاری کردووە . ئەو سەرکردایەتی چەند دەستپێشخەرییەکی گەورەی سەنتەری بازرگانی نێودەوڵەتی بۆ یارمەتیدانی تەکنیکی پەیوەست بە بازرگانی کردووە لە ژینگە ئاڵۆزەکان و دوای ململانێکان . ئەم دەستپێشخەریانە ستراتیژییەکانی بازرگانی نیشتمانی ئێران و ئەفغانستانی لەخۆ گرتبوو.
ئێریک بوچۆت ، پێش ساڵی ٢٠٠٦ ، پێش پەیوەندیکردنی بە سەنتەری بازرگانی نێودەوڵەتی لە بەشی خزمەتگوزارییەکانی ڕاوێژکاری وەبەرهێنان لە کۆنگرەی نەتەوە یەکگرتووەکان بۆ بازرگانی و گەشەپێدان و هەروەها وەک بەڕێوەبەری یەکەی بازرگانی لە کۆمپانیایەکی جیهانی کاری کردووە . بەڕێز بۆچۆت پرۆفیسۆری یاریدەدەرە لە بەشی لێکۆڵینەوە ئەوروپی و نێودەوڵەتییەکانی فاکەڵتی ئابووری زانکۆی گرێنۆبل ئەلپس.

پاسکاڵ ئەندرێ ئا. ڕاینتجنس، کە هاووڵاتییەکی بەلجیکییە، لە مانگی ئەیلوولی ٢٠٢٥ پۆستی سەرۆکی نوێنەرایەتیی ڕێکخراوی نێودەوڵەتی کۆچی لە عێراق وەرگرت. ناوبراو خاوەنی زیاتر لە ٣٠ ساڵ ئەزموونە لە بواری بەڕێوەبردنی کۆچ و ئۆپەراسیۆنە مرۆییەکان. پێشتر پۆستی سەرۆکی نوێنەرایەتیی ڕێکخراوی نێودەوڵەتی کۆچی لە وڵاتانی چاد، مالی، جەزائیر و بەلجیکا هەبووە، هەروەها چەندین پۆستی باڵای لە بڕۆکسل بەڕێوەبردووە، لەوانەش سەرۆکی یەکەی گەڕانەوەی ئارەزوومەندانەی یارمەتیدراو و یەکگرتنەوە و جووڵە.
لە قۆناغێکی سەرەتای کارکردنیدا، لەگەڵ ڕێکخراوی نێودەوڵەتی کۆچ لە چەندین ئەرکی جێبەجێکاریدا لە بڕۆکسل کاری کردووە. پێش ئەوەی پەیوەندی بە ڕێکخراوەکەوە بکات، وەک پسپۆڕی پشتیوانیی دەروونی و کۆمەڵایەتی لە وەزارەتی دادی بەلجیکا کاری کردووە، هەروەها وەک پرۆگرامسازی کۆمپیوتەر لە کۆمپانیای یونیسیس (Unisys) کاری کردووە.
بەڕێز ڕاینتجنس هەڵگری بڕوانامەی ماستەرە لە زانستە سیاسییەکان لە زانکۆی ئازادی بڕۆکسل (Université Libre de Bruxelles)، و زمانەکانی فەرەنسی و ئینگلیزی و هۆڵەندی بە ڕەوانی دەزانێت.

پێر لۆدهامەر گەورە بەڕێوەبەری بەرنامەیە لە فەرمانگەی نەتەوە یەکگرتووەکان بۆ کاروباری مین لە عێراق ، ئەو کاروباری کارمەندە نێودەوڵەتی و خۆجێیەکان لە بەرنامەکە بەڕێوەدەبات وێڕای بەڕێوەبردنی پەوەندییەکانی کۆمەکبەخشان و کۆکردنەوەی سەرچاوەکان . وەکو داکۆکیکارێکی سەرەکی لە کەرتی کاروباری مین لە عێراق ، ئەو زۆر جار بەشداری دەکات لە هەماهەنگیکردن لەگەڵ بەرپرسانی باڵای حکومەتی عێراق و نوێنەرایەتی فەرمانگەکەشی دەکات لە کۆڕ و کۆبوونەوە نێودەوڵەتییەکان. بەڕێز لۆدهامەر هەڵگری بڕوانامەی ماستەرە لە هەماهەنگی نێودەوڵەتی و یارمەتی مرۆیی و سی و یەک ساڵ شارەزاییشی هەیە لە بواری کاروباری سەربازی و مرۆیی پەیوەست بە مین.

بەڕێز تۆفیق ئەلزەبری لە مانگی تشرینی یەکەمی ساڵی 2022 ەوە بۆتە بەڕێوەبەری سندوقی نێودەوڵەتی گەشەپێدانی کشتوکاڵی IFAD لە عێراق و یەمەن. لە پێش گرتنە ئەستۆی ئم ئەرکەی ، تۆفیق بەڕێوەبەری بەرنامەکانی سندوقەکە بوو لە دوورگەکانی زەریای هێمن و فلیپین و پاکستان و ئەردەن و سۆماڵ و خاکە داگیرکراوەکانی فەلەستین. ئەو ئەزموونی کردەنی لە بواری گەشەپێدانی جیهانی لەگەڵ خۆی دەهێنێ، کە لە ٣٥ وڵات لە ناوچەکانی ڕۆژهەڵاتی ناوەڕاست و قۆچی ئەفریقیا و ئەوروپای ڕۆژهەڵات و باشور و ڕۆژهەڵاتی ئاسیا و زەریای هێمن، وێڕای هێنانی پەیوەندییەکانی لەگەڵ بانکی جیهانیی و سندوقی نەختینەی نێودەوڵەتی و پەیمانگای نێودەوڵەتی توێژینەوەکانی سیاسەتی خۆراکی. بوارەکانی شارەزایی ئەو بریتیە لە پەرەپێدانی لادێی و زنجیرەکانی کاڵای کشتوکاڵی و خزمەتگوزاری ڕاوێژکاری کشتوکاڵی و خزمەتگوزاری دارایی گشتگیر و کۆچ و ناردنی پارە و بنیاتنانی توانای ڕێکخراوەیی و بەڕێوەبردنی خۆگونجاندن لە پڕۆژەکانی گەیاندنی خزمەتگوزاری. ئەو لە نووسینگەی فرە وڵاتی ڕۆژهەڵاتی ناوەڕاست و باکوری ئەفریقیای سندوقی نێودەوڵەتی گەشەپێدانی کشتوکاڵی لە قاهیرە کارەکانی بەڕێوە دەبات.

تیتۆن ميترا، هاوڵاتیەکى ئوسترالیاییە و نوێنەری نیشتەجێی بەرنامەى نەتەوە یەکگرتووەکان بۆ پەرەپێدان لە عێراق، شارەزایەکى زۆر باشى هەیە لە بوارى پەرەپێدان و زیاتر لە ٣٠ ساڵ ئەزموونی هەیە لە بواری مرۆیی، بنیاتنانى ئاشتی، و ئەنجامدانى پەرەپێدانی بەردەوام.

پێش وەرگرتنى ئەم پۆستە، بەرێزیان وەک نوێنەرى نیشتەجێی بەرنامەى نەتەوە یەکگرتووەکان بۆ پەرەپێدان لە میانمار و فلیپین کارى کردووە. هەروەها پۆستی گرنگی لە نەتەوە یەکگرتووەکان بەرێوەبردووە، لە نێویاندا ڕاوێژکاری ستراتیژی باڵاى پلاندان، و سەرۆکی ئۆفیسی یەکگرتووى ڕێکخستن و پەرەپێدانی کاروباری مرۆییەکان بووە لە نێردەی نەتەوە یەککگرتووەکان بۆ هاریکاری عێراق (یونامی)، و هەوەروەها ڕاوێژکاری ستراتیژی باڵا بووە لە نەتەوە یەکگرتووەکاندا لە پرۆسەی ئاشتی بانگسامۆرۆ لە فلیپین.

پێش ئەوەی پەیوەندی بە نەتەوە یەکگرتووەکانەوە بکات، بەڕێزیان بەرپرسیارەتى باڵاى لە حکومەتی ئوسترالیا وەرگرتووە، وەک ڕاوێژکاری وەزیر و سەرۆکى بەرنامەی هاوکاری بۆ وڵاتى فلیپین، هەروەها وەک یاریدەدەری وەزیر لە دەزگای ئوسترالیا بۆ گەشەپێدانی نێودەوڵەتی کاریکردووە، کە تێیدا بەرنامەی دوو لایەنەی گەورە و ئاڵۆزی بەڕێوەبردووە لە سریلانکا، ماڵدیڤ، چین، ئەندەنوسیا و تیمۆری ڕۆژهەڵات.

هەروەها بەرێزیان ئەزموونێکى بەرفراوانی هەیە لە سەرکردایەتیکرنى کارە مرۆییەکان، لەوانە سەرکردایەتکردنى فیریاگوزارى و بەهانەوەچوونەکان لە ئەفریقا، باشوری ئاسیا، باشوری ڕۆژهەڵاتی ئاسیا، ڕۆژهەڵاتی ناوەڕاست، و زەریای هێمن و وەک بەڕێوەبەری فریاگوزاری جیهانی لە رێکخراوى كەیێر (CARE)ى نێوەدەوڵەتى کارى کردووە.

دکتۆر جەمیلە ئەلڕەیبی لە ١ی نیسانی ٢٠٢٥دا وەك نوێنەری ڕێکخراوی تەندروستی جیهانی لە عیراق دەستنیشانکرا، دکتۆر ئەلڕەیبی پزیشکی منداڵانە و پێش ئەرکی ئێستای، ئەزموونی ٣٠ ساڵی هەیە لە تەندروستی گشتی و سیاسەتی تەندروستی و بەڕێوەبردندا.
دکتۆر ئەلڕەیبی وەك نوێنەری ڕێکخراوی تەندروستی جیهانی لە ئوردن لە ٧ی تشرینی دووەمی ٢٠٢١تا ٣١ی ئاداری ٢٠٢٥ و وەك ڕاوێژکاری ناوچەیی بۆ تەندروستی منداڵان و هەرزەکاران لە ساڵی ٢٠١٥ تا ٢٠٢١، و ئەفسەری پزیشکی بۆ تەندروستی زاوزێ و دایکان لە ساڵی ٢٠١٢ تا ٢٠١٥ لە ئۆفیسی ناوچەیی ڕێکخراوی تەندروستی جیهانی بۆ ڕۆژهەڵاتی دەریای ناوەڕاست کاری کردووە.
لە ساڵی ٢٠٠٨ تا ٢٠١٢ وەك جێگری وەزیری تەندروستی گشتی و دانیشتوانی یەمەن بۆ کەرتی دانیشتوان و لە ساڵی ٢٠٠٤ تا ٢٠٠٨ بەڕێوەبەری گشتی کاروباری تەندروستی ژنان لە وەزارەتی تەندروستی گشتی و دانیشتوان لە یەمەن کاری کردووە.
دکتۆر ئەلڕەیبی خاوەنی بڕوانامەی بەکالۆریۆسە لە زانستی پزیشکی و نەشتەرگەری و بڕوانامەی ماستەر لە بواری هێلکەدانی منداڵان و ماستەر لە کارگێڕی گشتیدا. لە سەرەتای کارکردنیدا، لە ساڵی ١٩٩٩ تا ٢٠٠٤ وەك ڕاوێژکاری پزیشکی منداڵان کاری کردووە، لە ساڵی ١٩٩٢ تا ١٩٩٤ وەک پزیشکی خێزان لە چاودێری تەندروستی سەرەتاییدا کاری کردووە.
ئەو بەشدارییەکی چالاکانەی کردووە لە پەرەپێدانی ڕێنماییە تەکنیکییەکان و لێکۆڵینەوەکانی ڕێکخراوی تەندروستی جیهانی و لە چەندین بڵاوکراوەی تەکنیکی لەسەر ئاستی ناوچەیی و جیهانیدا وەك نووسەر و هاوکار بەشداربووە. دکتۆر ئەلڕەیبی بە درێژایی ژیانی پیشەیی خۆی ئەرکی جۆراوجۆری هەبووە، لەوانە پشتگیریکردنی تەندروستی زاوزێ و دایکان و تازەلەدایکبووان و منداڵ و هەرزەکاران، سەرکردایەتیکردنی گفتوگۆی سیاسەتی فرە لایەنە پەیوەندیدارەکان بۆ داڕشتنی ستراتیژییەکانی خزمەتگوزاری تەندروستی یەکسان و کوالێتی بەرز بە جەختکردنەوە لەسەر دابینکردنی تەندروستیی گشتگیر.
ئەو داکۆکیکارێکی بەهێزە بۆ دادپەروەریی و کاروباری ژنان و بەشداریکردنی گەنجان لە ڕێگەی بنیاتنانی توانا نیشتمانییەکانەوە. خواستی پیشەیی ئەو پێشخستنی تەندروستی جیهانی و پەرەپێدانی هاوبەشی کاریگەرە بەرەو ئاشتی و گەشەپێدانی بەردەوام.

روپەرت ئەزموونی زیاتر لە 20 ساڵی لە چەندین بواری فراوانی جیهانی و ڕێکخراوی ناحکومیی مافی مرۆڤدا هەیە.

بەڕێز زیشان ئەمین، بەرپرسی بەشی هەماهەنگیی نووسینگەی دژەتیرۆری نەتەوە یەکگرتووەکان و سەرۆکی بەرنامەی نووسینگەی دژەتیرۆری نەتەوە یەکگرتووەکانە لە بەغدا. ئەو هەروەها سەرپەرشتی هەماهەنگی و هاوکاریی ئەو نووسینگەیە دەکات لە نایرۆبی بە هاوکاریی ئاژانسەکانی نەتەوە یەکگرتووەکان و هاوبەشکاران و هەروەها لەگەڵ کارکردنیش لەسەر پرسەکانی پشتگیریکردنی تواناسازی لە بواری دژەتیرۆری و پێشگرتن بە توندڕەویی توندوتیژییانە لەو وڵاتانەی کە پێویستیانە لەسەر هەردوو ئاستی نیشتمانی و هەرێمیدا.
هەروەها، بەشەکەی ئەو "بەرنامەی جیهانیی نووسینگەی دژەتیرۆری نەتەوە یەکگرتووەکان بۆ دادگاییکردن و شیاندنەوە و تێکەڵکردنەوە" ش دەگرێتەوە کە دەبێتە مایەی یارمەتیدانی وڵاتانی ئەندام لە سەرتاسەری جیهاندا لەسەر ئەو سیاسەت و رێوشوێنانەی کە پەیوەندییان بە گێڕانەوەی شەڕکەرە بیانییەکانەوە هەیە.
شایانی باسە، ئەمین ئەزموونی 20 ساڵی کارکردنی لە بارەگای سەرەکیدا هەیە سەبارەت بە چەندین پرسی وەک دژەتیرۆری و بەرەنگاربوونەوەی توندڕەویی توندوتیژییانە و داڕشتنی سیاسەت و تواناسازی و ڕاوێژکاری نێوان دامودەزگا حکومییەکان سەبارەت بە بڕیارەکانی ئەنجومەنی گشتی.
لەلایەکی ترەوە، ئەمین بڕوانامەی ماستەری لە سیاسەتی ئاسایشی جیهانیدا هەیە لە زانکۆی کۆلۆمبیا لە نیۆرک و دیبلۆمیشی لە فەلسەفە و سیاسەت و ئابووریدا هەیە لە پێنسلیڤانیا لە فیلادێلفیا.

بەڕێز دیماسی ئەزموونی زیاتر لە ٢٠ ساڵی هەیە لە بواری کارگێڕی ، ئەو شارەزاییەکی فراوانی هەیە لە پەیوەندییە هەمەلایەنەکان و پەیوەندییە نێودەوڵەتییەکان و چاکسازی کۆمپانیاکان و سیاوسەتەکان و حەوکەمەتی نێودەوڵەتی و داڕشتنی ستراتیژیەکان و بەشداریکردنی کەرتی تایبەت. بەڕێز سامی دیماسی لە ساڵی ٢٠١٧ وەک بەڕێوەبەر و نوێنەری هەرێمی لە نووسینگەی هەرێمی بەرنامەی نەتەوە یەکگرتووەکان بۆ ژینگە لە ڕۆژئاوای ئاسیا دامەزرا. ئەو لە سیستەمی نەتەوە یەکگرتووەکان و بەرنامەی نەتەوە یەکگرتووەکان بۆ ژینگە چەندین پۆستی باڵای بینیوە وەک گەورە ڕاوێژکاری تەکنۆلۆژیای زانیاری و پەیوەندیکردن و سەرۆکی لقی داهێنان و جێگری بەڕێوەبەری بەشی زانستەکان و بەڕێوەبەری کەرتی تایبەت و پەیوەندییەکانی هاوبەشان و بەڕێوەبەری خزمەتگوزاری کۆمپانیاکان بە وەکالەت. بەڕێز دیماسی هاوڵاتییەکی لوبنانی کەنەدیە و بڕوانامەی بەکالۆریۆسی لە تەکنۆلۆجیای زانیارییەکان لە زانکۆی ئۆتاوا و ماستەر لە کارگێڕی لە زانکۆی واتەرلۆ لە کەنەدا بەدەست هێناون.

بەڕێز حاجی حەسەن لوبنانیە و بڕوانامەی دکتۆرای لە بەرهەمە ڕووەکییەکان هەیە لە کۆلێژی کشتوکاڵی زانکۆی دیمەشق لە سوریا. بڕوانامەی ماستەر لە بەرهەمە ڕووەکییەکان و بەکالۆریۆس لە ئەندازیاری کشتوکالی لە زانکۆی ئەمریکی لە بەیروت بەدەستهێناوە .
ئەو لە ساڵی ١٩٨٤ بە ناونیشانی یاریدەدەری توێژەری پێشکەوتوو لە سەنتەری توێژینەوە و پەروەدەکردنی کشتوکالی لە زانکۆی ئەمریکی لە بەیروت دامەزراوە . لە ساڵی ١٩٨٧ تا ١٩٩١ هەماهەنگیکاری بەرنامەی ڕاهێنانی فێرخوازان و هەروەها مامۆستای کشتوکال و باخداری بوو لە فاکوڵتی کشتوکاڵ لە زانکۆی لوبنانی . لە ساڵی ١٩٩١-١٩٩٥ ئەندازیاری کشتوکاڵی بوو لە وەزارەتی کشتوکالی لوبنان لە نووسینگەی بیقاعی هەرێمی لە زەحلە و لەوێش گواسترایەوە بۆ پەیمانگای توێژینەوەی کشتوکاڵی لە وێستگەی تەل عەمارە و بوو بە بەڕێوەبەری بەشی بەروبوومەکان و دواتریش بوو بە برپرسی تاقیگەی بەرهەمە ڕووەکییەکان . لە ساڵی ٢٠٠٢-٢٠٠٦ بەڕێوەبەری وێستگەی توێژینەوەی کەفردان بوو و لە ساڵی ٢٠٠٨ پلەی (زانای سەردانکەر) ی لە سەنتەری نێودەوڵەتی چاکترکرنی گەنمەشامی و گەنم وەرگرت و بووە هەماهەنگیکاری پرۆژەیەک لەگەڵ سەنتەری نێودەوڵەتی وزەی ئەتۆمی لە ڤیەنا.
لە ساڵی ٢٠١٠ بووە ڕاوژێکاری وەزیری کشتوکاڵی لوبنان و لە ساڵی ٢٠١١ بوو بە سەرۆکی لێژنەی زانستی دەرمانی قەڵاچۆکردنی ئافاتەکان ، هەروەها سەرۆکی لێژنەی پلازما ڕووەکییەکان و بەڕێوەبەری بەرنامەی گەشەپێدانی کشتوکاڵ و لادێکان بوو ( یەکێتی ئەوروپا خەرجییەکانی بۆ دابین کردبوو) . لە ٢٠١٠- ٢٠١٣ نوینەری لوبنان بوو لە وتووێژەکان لەگەڵ یەکێتی ئەوروپا و میسر و ئەردەن و عێراق. هەروەها بەرێز حاجی حەسەن لە ماوەی کارکردنیدا چەندین ئەرکی بەجێ گەیاندووە ، ئەو نوێنەری پەیمانگای لوبنانی بۆ توێژینەوەی کشتوکاڵی بوو لە چەندین بەرنامە لەگەڵ سەنتەری نێودەوڵەتی توێژینەوەی کشتوکاڵی لە ناوچە وشکەکان و لەگەڵ زانکۆی ئەمریکی لە بەیروت . بەڕێزیان هەماهەنگیکاری پڕۆژەی مەشریق \ مەغریب بوو لەگەڵ سەنتەری نێودەوڵەتی توێژینەوەی کشتوکاڵی لە ناوچە وشکەکان و هەروەها نوێنەرایەتی لوبنانی کردووە لە لێژنەی ئاراستە کردن و هەروەها سەرۆکی لێژنەکانی وەرگرتنی شەکری چەوەندەر و وەگرتنی ئارد بوو. بۆ چەند ساڵێک بەڕێز حاجی حەسەن لە ئامادەکردنی پرۆژەکانی بەرنامەی هەماهەنگی تەکنیکی ڕێکخراوی خۆراک و کشتوکاڵ (FAO TCP) کاری کردووە وەک بەڕێوەبەری نیشتمانی پرۆژەی (FAO TCP) . ئەو لە مانگی کانونی یەکەمی ٢٠١٤ وەکو نوێنەری ڕێکخراوی خۆراک و کشتوکاڵ لە یەمەن دەست بەکار بوو . بەڕێز حاجی حەسەن لە شوێنی بەڕێز ئەلزوعبی بووە نوێنەری ڕێکخراوەکە لە عێراق.

بەڕێز عبدوالمجید یەحیا نوێنەری بەرنامەی جیهانی خۆراک و بەڕێوەبەری ئەو بەرنامەیە لە عێراق، و بنکەکەی لە بەغدایە.
پێش ئەوەی بەڕێزیان لەم پۆستە دەستبەکاربێت، مەجید نوێنەری بەرنامەی جیهانی خۆراک بووە لە ناوچەی ئەنجومەنی هاوکاری کەنداو(GCC)، سەرکردایەتی هەوڵەکانی بەرزکردنەوەی پەیوەندییەکانی بەرنامەی جیهانی خۆراک لەگەڵ دامەزراوە حکومییەکان و هەروەها کەرتی تایبەت و گشتی لە هەرێمەکەدا کردووە. پێش ئەوەش بەڕێز مەجید وەک نوێنەری بەرنامەی جیهانی خۆراک و بەڕێوەبەری بەرنامەکە لە ئوردن کاری کردووە، بەرپرسی یەکێک لە گەورەترین ئۆپەراسیۆنە فریاگوزاریەکانی بەرنامەی جیهانی خۆراک بووە لە هەرێمی ڕۆژهەڵاتی ناوەڕاست.
پێش ئەرکەکەی لە ئوردن، مەجید پۆستی جێگری بەڕێوەبەری سەرچاوە مرۆییەکانی بەرنامەی جیهانی خۆراکی بووە، کە ڕاستەوخۆ بۆ وەرچەرخاندنی خزمەتگوزاریی سەرچاوەی مرۆیی، سەرپەرشتی پڕۆژە گەورەکانی کردوە. پێش ڕۆڵی لە بەشی سەرچاوە مرۆییەکان، بەڕێز مەجید وەکو جێگری بەڕێوەبەری بەرنامەی جیهانی خۆراک (WFP) لە پاکستان کاری کردووە.
بەرێزیان، زیاتر لە سی ساڵ ئەزموونی کارکردنی لە بواری مرۆیی هەیە، کە هەردوو چوارچێوەی فریاگوزاری و گەشەپێدان دەگرێتەوە. بەشداری لە چەندین ئۆپەراسیۆندا کردووە لەو ناوچانەی کە بەهۆی ململانێ و جینۆساید و برسێتی و کارەساتی سروشتییەوە زیانیان بەرکەوتووە.
مەجید لە ساڵی ١٩٩٧ لەگەڵ بەرنامەی جیهانی خۆراک لە ڕواندا دەستی بە کارەکانی کردووە و لەو کاتەوە لە بارەگا و ئۆفیسە مەیدانییە جیاوازەکانی سەرانسەری ئەفریقا و ڕۆژهەڵاتی ناوەڕاست و ئاسیا کاری کردووە.
کارە مرۆییەکانی مەجید لەگەڵ نەتەوە یەکگرتووەکان لە سودان لە ژێر دەستپێشخەری مرۆیی ئۆپەراسیۆنی هێڵی ژیانی سودان (OLS) دەستی پێکرد؛ کە یەکەم ئۆپەراسیۆنی نەتەوە یەکگرتووەکانە کە لە هەردوو ناوچەی یاخیبووان و ژێر دەسەڵاتی حکومەتدا بۆ پێشکەشکردنی هاوکاری مرۆیی لە سەرانسەری ناوچە جەنگاوی و وشکەساڵییەکانی ئەوکاتەی باشووری سودان کاردەکات.
مەجید، خەڵکی سودانە، خاوەنی بڕوانامەی زانکۆیە لە بەشی یاسا و بڕوانامەی ماستەر لە زانستە سیاسییەکان لە مەغریبەوە. خێزاندارە و خاوەنی سێ منداڵە.

عەلی ئەلبێرێر گەورە هەماهەنگسازی بەرنامە و بەرپرسی نووسینگەی نەتەوە یەکگرتووەکانە بۆ ماددە هۆشبەرەکان و تاوان لە بەغدا لە عێراق. ئەو خاوەنی ئەزموونێکی زۆرە لە بوارەکانی بەڕێوەبردن و گەشەپێدان و ئەنجامدانی دایەلۆگ و جێبەجێکردن و چاودێریکردنی هاوکاریی تەکنیکی و دروستکردنی هاوبەشکاریی چڕوپڕ لەگەڵ پەیوەندداران لە حکومەت و کەرتی تایبەت و ڕێکخراوەکانی کۆمەڵگەی مەدەنی.
بەڕێز ئەلبێریر لە ساڵی ٢٠١٤ پەیوەندی کردووە بە نووسینگەی نەتەوە یەکگرتووەکان بۆ ماددە هۆشبەرەکان و تاوان وەکو هەماهەنگسازی بەرنامە و بەرپرسی بەرنامە لە نووسینگەی لاوەکی وڵاتانی مەغریبی لە شاری تەڕابلسی وڵاتی لیبیا سەر بە نووسینگەی هەرێمی ڕۆژهەڵاتی ناوین و باکوری ئەفریقیا ، لەو کاتەوە لە چەندین پۆستی جۆراوجۆر خزمەتی کردووە وەک جێگری نوێنەری هەرێمیی نووسینگەی هەرێمیی ڕۆژهەڵاتی ناوین و باکوری ئەفریقیا.
پێش هاتنی بۆ ئەم نووسینگەیە ئەو لە چەندین شوێندا کاری کردووە وەک : کارمەندی مافی مرۆڤ لە نێردەی نەتەوە یەکگرتووەکان بۆ پشتگیری کردنی لیبیا و هەروەها وەک کارمەندی مافی مرۆڤ و لێکۆڵەر لە نووسینگەی کۆمیساری باڵای مافەکانی مرۆڤی نەتەوە یەکگرتووەکانی لە ژنێڤ و وەک بەرپرسی کاروباری یاسا و دادوەری لە نێردەی نەتەوەیەکگرتووەکان لە سودان و هەروەها لەگەڵ دەسەڵاتی دادوەری و کەرتی تایبەت و ڕێکخراوە ناحکومییەکانی سودان کاری کردووە . ئەو هەڵگری بڕوانامەی بەرزە لە بواری مافی مرۆڤ لە زانکۆی خەرتووم لە سودان. ئەو بە هەردوو زوبانی ئینگلیزی و عەرەبی بە ڕەوانی قسە دەکات.

غازی شبەیکات نوێنەری نیشتەجێی سندوقی دراوی نێودەوڵەتییە لە عیراق و یەمەن لەوەتەی مانگی کانونی دووەمی ٢٠٢١ەوە. پێشتریش لە ساڵی ٢٠١٠ەوە بەڕێز شبەیکات لەسەر چەندان وڵات کاریکردووە لە بەشی ڕۆژهەڵاتی ناوەڕاست و ئاسیای ناوەڕاست لە سندوقی دراوی نێودەوڵەتی. بەڕێزیان هەروەها لە حکومەتی ئوردەنیش وەك سەرۆکی بەشی ئاماری نیشتیمانی و وەزیری کار کاریکردووە لەنێوان ساڵانی ٢٠٠٦ تا ٢٠٠٩. بەڕێز شبەیکات هەڵگری بڕوانامەی دکتۆرایە لە ئابوریدا.

غالیە فەرەج بەرپرسی بەرنامەیە لە نووسینگەی وڵاتانی عەرەبی ڕێکخراوی نەتەوە یەکگرتووەکان بۆ گەشپێدانی پیشەسازی. ئەو خەڵکی کوێتە و لەوێ لەدیک بووە و گەورە بووە و بروانامەیەکی بەرزیشی هەیە لە بواری کارگێڕی جیهانی لە زانکۆی سان فرانسیسکۆ. ئەو خاتوونە لە ساڵی ٢٠١٥ پەیوەندی بە با بارەگاکانی ڕێکخراوی نەتەوە یەکگرتووەکان بۆ گەشپێدانی پیشەسازی کرد لە ڤیەنا وەکو بەرپرسی بەرنامە لە کوەیت لە بەشی پەیوەندییەکانی کۆمەک بەخشان ، دواتر لە ساڵی ٢٠١٨ گوازرایەوە بۆ نووسینگەی وڵاتە عەرەبییەکان.

بەرێز كريستيان سکوگ خاوەنی ئەزموونێکی زیاتر لە ٣٠ ساڵە لە بوارەکانی گەشەپێدانی نێودەوڵەتی، کاری مرۆیی و مافەکانی مرۆڤ. هەروەها، پۆستی باڵای دیاری لە بواری بەڕێوەبردنی ستراتیژیی نووسینگەکانی یونسێف لە چوارچێوەی جیاوازدا وەرگرتووە. لە درێژەی کاروانی پیشەیی خۆیدا، داکۆکیکارێکی دیار بووە بۆ مافەکانی منداڵان و هەرزەکاران، و لە نزیکەوە لەگەڵ حکومەتەکان و کۆمەڵگەی مەدەنی و هاوبەشە نێودەوڵەتییەکان کاری کردووە.
پێش دەستبەکاربوونی وەک نوێنەری یونسێف لە عێراق لە ڕێکەوتی ٣١ی تەمموزی ٢٠٢٥، بەڕێز سکوگ وەک نوێنەری یونسێف لە سریلانکا (ئایاری ٢٠٢١ – حوزەیرانی ٢٠٢٥)، مەکسیک (٢٠١٦–٢٠٢١)، گواتیمالا (٢٠١٢–٢٠١٦)، و مۆریتانیا (٢٠٠٧-٢٠١١) کاری کردووە. هەروەها پۆستی جێگری نوێنەری لە هایتی لە ماوەی ساڵانی ٢٠٠٥ بۆ ٢٠٠٧ بەدەستەوە بووە.
پێشتر لە کارکردنیدا، بەڕێز سکوگ وەک خاڵی پەیوەندیی یونسێف بۆ لیژنەی هەمیشەیی هاوبەشی نێوان ئاژانسەکان (IASC) کاری کردووە، و هاوکارییەکی نزیکی لەگەڵ ئاژانسەکانی نەتەوە یەکگرتووەکان، بزووتنەوەی نێودەوڵەتیی خاچی سوور، و ڕێکخراوە ناحکومییە نێودەوڵەتییەکاندا هەبووە لەسەر هەماهەنگی و میکانیزمەکانی وەڵامدانەوەی مرۆیی.
پێش ئەوەی پەیوەندی بە یونسێفەوە بکات، بەڕێز سکوگ لەگەڵ نووسینگەی نەتەوە یەکگرتووەکان بۆ هەماهەنگیی کاروباری مرۆیی (OCHA) کاری کردووە، کە تێیدا پۆستی ڕێکخەری هەرێمیی لە هەریەک لە ڕۆژهەڵاتی ئەفغانستان و ناوچەی دوورگەکانی مالوکو لە ئەندەنوسیا بەڕێوە بردووە. هەروەها چەندین پۆستی لە بارەگاکانی نەتەوە یەکگرتووەکان لە هەریەک لە نیویۆرک و جنێڤ وەرگرتووە.
بەرێز سکوگ هەڵگری بڕوانامەی ماستەرە لە گەشەپێدانی ئابووری و بڕوانامەی بەکالۆریۆسە لە ئابووریی چەندایەتی، کە هەردووکیانی لە زانکۆی ستانفۆرد لە کالیفۆرنیا، ویلایەتە یەکگرتووەکانی ئەمریکا بەدەستهێناوە. ناوبراو هاوڵاتییەکی سویدییە، خێزاندارە و دوو منداڵی هەیە.

کاترین لامپ لە کۆتایی ساڵی ٢٠٢٤ ئەرکەکانی وەک نوێنەری کۆمسیاری باڵای نەتەوە یەکگرتووەکان بۆ پەنابەران لە عێراق دەستبەکاربوو.

دوای تەواوکردنی خوێندنی لە بواری یاسا، کاترینا لامپ بۆ ماوەی سێ دەیە لەگەڵ کۆمسیاری باڵای نەتەوە یەکگرتووەکان بۆ پەنابەران دەستی بە کارەکانی کرد .وەک نوێنەری کۆمسیاری باڵای نەتەوە یەکگرتووەکان بۆ پەنابەران لە ئەڵمانیا و تورکیا کاری کردووە و لە ئەرکە جیاوازەکانی سەرکردایەتی لە یۆنان، ئیتاڵیا، میسر و ئەفغانستان کاری کردووە. ئەزموونی مەیدانی بەرفراوانی ئەو بریتییە لە کارکردن بۆ وەڵامدانەوەی فریاگوزاری لە کۆماری دیموکراتیی کۆنگۆ و باکووری مەقدۆنیا و کۆت دیڤوار.

کاترین لامپ بەشداری کردووە لە داڕشتنی ستراتیژییەکانی یاسایی و پاراستن بۆ کۆمسیاری باڵای نەتەوە یەکگرتووەکان بۆ پەنابەران لە چەندین ئەرکدا، لەوانە وەک ئەفسەری باڵای یاسایی لە بارەگای کۆمسیاری باڵای نەتەوە یەکگرتووەکان بۆ پەنابەران و وەک بەرپرسی خزمەتگوزاری پاراستنی نووسینگەی ناوچەیی کۆمسیاری باڵای نەتەوە یەکگرتووەکان بۆ پەنابەران لە ڕۆژهەڵاتی ناوەڕاست و باکووری ئەفریقا.

مستەفا ئەلکادیمی لە ساڵی ٢٠٢٣ ڕۆڵی هەماهەنگی لەسەر ئاستی وڵات دەگرێت بۆ پرۆگرامی خۆبەخشانی نەتەوە یەکگرتووەکان لە عێراق، بە ئەزموونی ١٨ ساڵ لە کەرتی پیشەیی, بەڕێز ئەلکادیمی شارەزایی لە بەڕێوەبردنی پڕۆگرام، بەشی کڕین، دارایی، کارگێڕی، سەرچاوە مرۆییەکان هه يه, لەم دوایەدا وەکو کارمەندی سەرچاوە مرۆییەکان لەگەڵ ڕێکخراوی نەتەوە یەکگرتووەکان بۆ پەرەپێدان بۆماوەی ٨ ساڵ کاری کردووە. هەروەها ئەو پێشتر وەک کارمەندی باڵای کارگێڕی و داریی لە ڕێکخراوی نەتەوە یەکگرتووەکان بۆ کۆچبەران بۆ ماوەی ٨ ساڵ کاری کردوە. موستەفا هەڵگری بڕوانامەی بەکالۆریۆسە لە بواری شیکار ی تەکنیکی لە زانکۆی تەکنیکی بەغداد – عێراق.

بەڕێز موسلیم كازمی (کۆسۆڤۆ) لە ئەیلوولی ٢٠٢٣وە بەرپرسی کاتیى بەرنامەی نیشتەجێ مرۆییەکانی نەتەوە یەکگرتووەکانە (یو ئێن هابیتات)، پێشتر وەک جێگری بەرپرسی (یو ئێن هابیتات) لە عێراق کاری کردووە. لە ساڵی ٢٠١٨ لەگەڵ (یو ئێن هابیتات) دەست به كار بووە وەک سەرۆکی سێکتەرەکانی نیشتەجێبوون و زەوی و زار و موڵکایەتی لە ژێر پڕۆگرمەکانی وەڵامدانەوەی قەیرانی مرۆیی و هەروەها وەک بەڕێوەبەری پرۆگرامی چەندەها پڕۆژەی جۆراو جۆر. خاوەنی بڕوانامەی خوێندنی باڵایە / ماستەرە لە کارگێڕی گشتی و زانستە سیاسییەکان.

بەرێز مونیر تابت خەڵکی کەنەدایە و لە ئەرکی فەرمی وەك جێگری سکرتێری باڵای کۆمسیۆنی ئابوری و کۆمەڵایەتی نەتەوە یەکگرتووەکان بۆ ڕۆژئاوای ئاسیا لە بەرواری ٧ی ئەیلولی ٢٠١٨دا دەستبەکاربووە. پێش ئەم پۆستە، بەڕێز تابت وەك بەرێوەبەری رێکخراوی UNDP لە عیراق کاریکردووە لە نێوان ساڵانی ٢٠١٦ تا ٢٠١٨ کە لەم پۆستەیدا سەرپەرشتی بەرنامەی سەقامگیری و ڕاگوزەری کردووە.
لە ساڵی ٢٠١٣ تا ساڵی ٢٠١٦، بەڕێز تابت وەك هەماهەنگیکاری جێنشینی نەتەو ەیەکگرتووەکان و رێکخراوی UNDP لە تونس کاریکردووە و پاڵپشتی قۆناغی ڕاگوزەریی کردووە بە پاڵپشتی هەڵبژاردن و ئامادەکردنی دەستوور و کارامەیی پەڕلەمانی و ڕووبەڕووبوونەوەی گەندەڵی.

لە پێشتردا، بەڕێز تابت بەڕێوەبەری ڕێکخراوی UNDP بووە لە وڵاتی میسڕ لە ساڵی ٢٠١٣ تا ساڵی ٢٠١٧ کە ڕابەڕایەتی پاڵپشتیی هەوڵەکانی پەرەپێدانی کردووە. لە ساڵی ٢٠٠٤ تا ساڵی ٢٠٠٧ وەك ڕاوێژکاری باڵا لە نوسینگەی هەرێمیی بۆ وڵاتە عەرەبییەکان لە نووسینگەی سەرەکی رێکخراوی UNDP لە شاری نیویۆرك کاریکردووە.
لە پێشتریشدا، بەڕێز تابت وەك بەربژێرێکی پڕۆگرامی ئێدوارد س. مەیسن لە کۆلیژی حوکمڕانی کێنیدی لە زانکۆی هارڤەرد خوێندوویەتی و تیایدا بڕوانامەی ماستەری لە کارگێڕی حکومی بەدەست هێناوە. بەڕێزیان هەروەها هەڵگری بڕوانامەی ماستەرە لە بواری ئابوری لە زانکۆی ئۆتاوا.
لە نێوان ساڵانی ١٩٨٩ تا ساڵی ٢٠٠٣، بەڕێز تابت چەندان پۆستی لەسەر ئاستی وڵاتیی و نوسینگەی سەرەکی لە ڕێکخراوی UNDP وەرگرتووە. پێش هاتنی بۆ ڕێکخراوی UNDP، بەڕێز تابت لەگەڵ پەیمانگای نۆرس ساوس و سەنتەری لێکۆڵینەوەی پەرەپێدانی نێودەوڵەتی کاریکردووە لە ئۆتاوا و زانکۆی ئۆتاوا.

هیند جەلال لە شوباتی 2025 وەک نوێنەری سندوقی نەتەوە یەکگرتووەکان بۆ دانیشتووان لە عێراق دەست بەکار بوو . ئەو شارەزاییەکی بەرفراوانی لە بەڕێوەبردنی پۆستە تەکنیکی و کارگێڕییەکان لە باکور و ڕۆژئاوا و ناوەڕاستی ئەفریقیا لە نەتەوە یەکگرتووەکان و حکومەتەوە لەگەڵ خۆی هێناوە .
پێشووتر لە ساڵانی (2022-2025) وەک نوێنەری سندوقی نەتەوە یەکگرتووەکان بۆ دانیشتووان لە غینیا و لە (2018-2022) وەک کاربەڕێکەری ڕێکخراوەی ژنانی نەتەوە یەکگرتووەکان لە کامیرۆن کاری کردووە ،و لە (2016-2018) لە نووسینگەی هەرێمیی ڕۆژئاوا و ناوەڕاستی ئەفریقیای سندوقی نەتەوە یەکگرتووەکان بۆ دانیشتووان لە داکار و لە (2011-2016) لە سندوقی نەتەوە یەکگرتووەکان بۆ دانیشتووان لە مەغریب کاری کردووە و ڕۆلێکی گرنگ و کاریگەری هەبووە لە برەودان بە کەرتەکان و بەرنامەکانی گەنجان و ژنان و هەروەها لە بەهێزکردنی سیستەمەکانی زانیارییەکانی دانیشتووان و پەرەپێدان. پێش کارکردنیش لەگەڵ سندوقی نەتەوە یەکگرتووەکان بۆ دانیشتووان ، هیند چەندین پۆستی گرنگی لە وەزارەتی ئابوریی و دارایی لە مەغریب هەبووە ، لە داڕشتن و شیکاریی سیاسەتە ئابوریی و کەرتیی و بازرگانیی و کۆمەڵایەتییەکان بەشدار بووە .
نووسەر و بەشداربووی چەندین کتێب و لێکۆڵینەوەی تایبەتە دەربارەی باجەکان و ئابوریی ژنان داهاتی دانیشتووان .
هیند هاوڵاتییەکی ڕەسەنی مەغریبە و خاوەن بڕوانامەی دکتۆرایە لە یاسا و ئابوریی گەشەپێدان لە زانکۆی نیس سۆفیا ئەنتیپۆلیس لە فەرەنسا و دوو بڕوانامەی ماستەریشی هەیە لە بەڕێوەبردن (زانکۆی نیس سۆفیا ئەنتیپۆلیس لە فەرەنسا و زانکۆی ISCAE لە مەغریب) . ئەو بەباشی زمانەکانی عەرەبی و ئینگلیزی و فەرەنسی و ئیسپانی دەزانێت.