جێگری نوێنەری تایبەتی سکرتێری گشتی نەتەوە یەکگرتووەکان بۆ کاروباری سیاسی و هەڵبژاردن، خاتو ئینگیبیۆرگ سۆلرۆن گیشلادۆتێر، سەردانی موسڵی کرد

وەک ئامادەکارییەک بەرەو هەڵبژاردنی پێشوەختەی داهاتوو لە عێراقدا، جێگری نوێنەری تایبەتی سکرتێری گشتی نەتەوە یەکگرتووەکان بۆ کاروباری سیاسی و هەڵبژاردن، خاتو ئینگیبیۆرگ سۆلرۆن گیشلادۆتێر، سەردانی موسڵی کرد و لەگەڵ پارێزگار بەڕێز نەجم ئەلجبوری و قایمقامی موسڵ، بەڕێز زوهێر ئەلئەعرەجی، و نوێنەرانی .  ڕێکخراوەکانی کۆمەڵگەی مەدەنی نەینەوا کۆبوویەوە و تاووتوێی بارودۆخی سیاسیی شارەکەیان کرد بەگرتنەخۆی ئامادەکارییەکانی ئەنجامدانی هەڵبژاردنی پێشوەختەی داهاتووی لە عێراق لە ١٠ی مانگی تشرینی یەکەمی ئەمساڵدا و هەروەها ئەو گیروگرفتانەش کە ڕووبەڕووی بەربژێرە خانمەکان و کەمینەکان دەبنەوە.