کلۆدیۆ کۆردۆنی، جێگری نوێنەری تایبەتی سکرتێری گشتی نەتەوە یەکگرتووەکان، سەردانی موسڵ دەکات

لە ٢٥ی تشرینی یەکەمی ٢٠٢٢، بەڕێز کلۆدیۆ کۆردۆنی، جێگری نوێنەری تایبەتی سکرتێری گشتیی نەتەوە یەکگرتووەکان بۆ عێراق بۆ کاروباری سیاسی و هاریکاریی هەڵبژاردن، سەردانی شاری موسڵی لە پارێزگای نەینەوا کرد و لەگەڵ بەڕێز نەجم جبوری، پارێزگاری نەینەوا کۆبووەوە. لە كۆبوونەوەكەدا باس لە دۆخی سیاسی و ئەمنی ئێستای پارێزگاكە كرا، لەوانە جێبەجێكردنی رێككەوتننامەی شنگال.

هەروەها بەڕێز کۆردۆن لەگەڵ سەرۆکی شارەوانی موسڵ، بەڕێز ئەمین ابراهیم فەناش کۆبووەوە و تاوتوێی بارودۆخی سیاسی ئێستا و هەوڵەکانی نۆژەنکردنەوە و ئاوەدانکردنەوە لە نەینەوا و پشتیوانی نەتەوە یەکگرتووەکان بۆ ئەم پرۆسانە کرد.

هەروەها بەڕێزیان سەردانی پڕۆژەی کۆمەڵەی گەنجانی بێتنای کرد لە شاری کۆنی موسڵ. لەگەڵ نوێنەرانی گەنجان کۆبووەوە و پێشوازی لە ڕاوبۆچوونەکانیانی کرد سەبارەت بە کارە لە پێشینەکان و ئاڵنگارییەکان لەبەردەم گەنجان لە پارێزگای نەینەوا. بەڕێزیان سەرسام بوو بە بەرهەمە هونەریەکان و شوێنەوارە کولتوورییەکان، لە ئەنجامی دەستپێشخەرییەکانی پڕۆژەی گەنجان و پێزانینی خۆی بۆ ڕەسەنایەتی و داهێنەریی بەرهەمەکانی نمایشکراو دەربڕی.

هەروەها گەشتێکی ئەنجامدا بۆ ئەو شوێنانەی کە ڕێکخراوی یونسکۆ پڕۆژەی نۆژەنکردنەوەی هەیە وەك نۆژەنکردنەوەی مزگەوتی ئەلنووری و کڵێسای ئەلتەهرە و کڵێسای ئەلسەعا لە چوارچێوەی پڕۆژەی دەستپێشخەری  #RevivetheSpritofMosul، هەروەها دەستخۆشی لە یونسکۆ کرد بۆ پێشکەوتن و کارە بەردەوامەکانی بۆ نۆژەنکردنەوەی شوێنە دەوڵەمەندە کولتوورییەکانی عێراق و پاراستنی کەلەپوری وڵات. هەروەها بەڕێزیان گەشتێکی ئەنجامدا بۆ شوێنی خانووە نۆژەنکراوەکانی یونسکۆ لە شاری کۆنی موسڵ. گێڕانەوەی شوناسی پێکهاتەکانی موسڵ یارمەتی ئاشتەوایی دەدات و دەبێتە هۆی پێشخستنی کۆمەڵگایەکی دادپەروەرتر و ئاشتیخواز و گشتگیرتر.