ڕووداوێکى تەقینەوەى پاشماوەى تەقەمەنى لە تەلکێف لە نزیک موسڵ بووە هۆى کوژرانى کەسێک

ڕووداوەکە سەرلەبەیانى زوو ڕوویدا لەو ناوچەیەى کە لەلایەن ڕێکخراوى چاودێرى تەندروستى و کۆمەڵایەتى عێراقى (IHSCO) بەڕێوەدەبردرێت کە یەکێکە لە هاوبەشە جێبەجێکارەکانى ئاژانسى خزمەتگوزارییەکانى کاروبارى مین ى سەر بە نەتەوەیەکگرتووەکان (UNMAS).

ئاژانسى خزمەتگوزارییەکانى کاروبارى مین ى سەر بە نەتەوەیەکگرتووەکان (UNMAS) لە عێراق و تەواوى خێزانى نەتەوەیەکگرتووەکان لە عێراق هاوخەمى و پرسە و سەرەخۆشى خۆى ئاڕاستەى خانەوادەى کەسى کۆچکردوو دەکات.

هاوکات ئاژانسى خزمەتگوزارییەکانى کاروبارى مین ى سەر بە نەتەوەیەکگرتووەکان (UNMAS) لە نزیکەوە لەگەڵ بەڕێوەبەرایەتى کاروبارى مین لە عێراق کاردەکات بۆ لێکۆڵینەوە و پێداچوونەوە بەم ڕووداوەى کە ڕوویداوە بۆ تێگەیشتن لە هەر دۆخێک کە پێویستى بە چارەسەرکردن و هەرئامادەکارییەکى پێشوەختە کە پێویست بێت جێبەجێ بکرێت بۆ کەمکردنەوەى مەترسیەکانى ڕوودانى ڕووداوى لەمشێوەیە لە داهاتوودا.

ڕێکخراوى چاودێرى تەندروستى و کۆمەڵایەتى عێراقى (IHSCO) یەکێکە لە هاوبەشە جێبەجێکارەکانى ئاژانسى خزمەتگوزارییەکانى کاروبارى مین ى سەر بە نەتەوەیەکگرتووەکان (UNMAS) کە لە ماوەى چوار ساڵى ڕابردوودا ناوچە ئازادکراوەکانى دەست داعشى پاککردۆتەوە لە سەدان پاشماوەى بۆمب و تەقەمەنى. هەڵمەتەکانى پاککردنەوەى ئەو ناوچانە لە پاشماوەى مین و تەقەمەنى زۆر گرنگن بۆ سەلامەتى ئەو خەڵکانەى کە لەو ناوچانە دەژین و سەلامەتى دەست گەیشتن بە زەوییەکان بۆ چاڵاکیەکانى کشتوکاڵ و پەرەپێدان.