نووسینگەی مافەکانی مرۆڤی یونامی ڕاهێنانێک لەسەر "توندوتیژی و هەراسانکردنی ژنان لە جیهانی کارکردندا" ڕێکدەخات لە شاری سەلاحەدین

نووسینگەی مافەکانی مرۆڤی نێردەی نەتەوە یەکگرتووەکان بۆ هاریکاری عێراق (یونامی) ڕاهێنانێکی لەسەر "توندوتیژی و هەراسانکردن دژی ژنان لە جیهانی کارکردندا" بۆ کارمەندانی فەرمانگەی کاروباری ژنان لە پارێزگای سەلاحەدین ڕێکخست. کارمەندەکان کە بریتی بوون لە 17 ژن و 3پیاو کورتەیەکیان بۆ باسکرا لەبارەی یاسا عێراقی و نێودەوڵەتیەکان لەسەر ئەو بابەتە. بەشداربووان باسیان لە چۆنیەتی دەستنیشانکردنی حاڵەتەکانی توندوتیژی و هەراسانکردن لە شوێنی کار و کاریگەرییەکانیان کرد. هەروەها هاندران بۆ ئەوەی بیر لە ڕۆڵی خۆیان بکەنەوە لە چارەسەرکردنی ئەم پرسە و پەرەپێدانی ڕێوشوێنی پێویست بۆ ئەوەی شوێنی کار ببێتە ژینگەیەکی ئارام بۆ ژنان.