نووسینگەی مافی مرۆڤی یونامی ڕاهێنانێکی یەک ڕۆژەی لەسەر "بەرزکردنەوەی داکۆکیکردن و زانیاری تەکنیکی ڕێکخراوەکانی کۆمەڵگەی مەدەنی بۆ کۆتاییهێنان بە توندوتیژی دژی ژنان و کچان و مافەکانی ژنان" ڕێکخست

٤ی کانوونی دووەمی ٢٠٢٤ – دهۆک: نووسینگەی مافی مرۆڤی نێردەی نەتەوە یەکگرتووەکان بۆ هاریکاری عێراق (یۆنامی) ڕاهێنانی یەک ڕۆژەی لەسەر “بەرزکردنەوەی تواناکانی داکۆکیکردن و زانیاری تەکنیکی ڕێکخراوەکانی کۆمەڵگەی مەدەنی بۆ کۆتاییهێنان بە توندوتیژی دژی ژنان و کچان و مافەکانی ئافرەتان” ڕێکخست. 

ئەم چالاکییە لە چوارچێوەی ١٦ ڕۆژی چالاکیی توندوتیژی دژی ژنان و کچان لە ژێر تەوەری ساڵی ٢٠٢٤ ‘یەکبگرن! وە هەوڵبدەن بۆ ڕێگریکردن لە توندوتیژی دژی ژنان و کچان.' 

حەڤدە بەشداربوو (١٣ ژن و ٤ پیاو) لە دهۆکەوە بەشدارییان لە چالاکییەکەدا کرد کە ئامانج تێیدا بەرزکردنەوەی توانای تەکنیکی ڕێکخراوەکانی مافی ژنان و چالاکوانان بوو لە ڕێگەی بەهێزکردنەوەی زانیارییەکانیان لەسەر ستانداردە سەرەکییە نێودەوڵەتییەکانی مافی مرۆڤ کە پەیوەندییان بە توندوتیژیە دژی ژنان و کچانەوە هەیە. ڕاهێنانەکە تیشکی خستە سەر بەهێزتر کردنی تواناکانی ڕێکخراوەکانی کۆمەڵگەی مەدەنی لە پاراستنی ژنان و کچان لە توندوتیژی بەپێی چوارچێوەی نێودەوڵەتی مافەکانی مرۆڤ و پەرەپێدانی تواناکانی داکۆکیکردنی بەشداربووان بۆ پاراستنی ژنان و کچان لە توندوتیژی.