سکرتێری گشتی، خاتوو ئیرینا ڤۆیاشکۆڤا-سۆلۆرانۆ بە ڕەگەز ئەلمانی وەک جێگری نوێنەری تایبەت و هەماهانگیکاری مرۆیی لە عێراق دەستنیشان کرد

خاتوو ئیرینا ڤۆیاشکۆڤا-سۆلۆرانۆ شوێنی خاتوو مارتا ڕۆداسی ئیسپانی دەگرێتەوە ، کە لە مانگی ئایارەوە لە نەتەوە یەکگرتووەکان خانەنشین کرا. سکرتێری گشتی سوپاس و پێزانینی خۆی بۆ خاتوو ڕۆیداس دەربڕی بەرامبەر ئەو خزمەتە دورو درێژەو هەروەها ئەو دڵسۆزیەی پێشکەشی ڕێکخراوەکەی کردووە.

خاتوو ئیرینا ڤۆیاشکۆڤا-سۆلۆرانۆ شارەزایی ٣٠ ساڵی نێودەوڵەتی لە پرسەکانی کۆچ و پەنابەری و هەماهەنگیکردنی بە هاناهاتنە گەشەپێدان و مرۆییەکانی نەتەوە یەکگرتووەکانی لەگەڵ خۆێ هێناوە ، ئەو لە (٢٠١٦-٢٠١٩) هەماهەنگیکاری نیشتەجێ بووە لە تورکیا و لە (٢٠١٣-٢٠١٦) ش لە سربستان و لە وەتەی مانگی ئابی ٢٠١٩ەشەوە خاتوو ئیرینا ڤۆیاشکۆڤا-سۆلۆرانۆ بەڕێوبەری کاربەڕێکەری نووسینگەی ئەوروپا و ئاسیای ناوەڕاستی نەتەوە یەکگرتووەکانە بۆ گەشە پێدان لە ئەستانبۆل.

لە ماوەی (٢٠١٠-٢٠١٣) خاتوو ئیرینا ڤۆیاشکۆڤا-سۆلۆرانۆ بەڕێوەبەری کارگێڕی کؤچ بووە لە ڕێکخراوی نێودەوڵەتی کۆچ لە ژنێڤا ، و لە ساڵی ٢٠٠٩ ش جێگری سەرۆکی فەرمانبەرانی ڕێکخراوی نێو دەوڵەتی کۆچ بووە ، پێش ئەوەش پۆستی باڵای هەبووە لە ڕێکخراوی نێودەوڵەتی کۆچ لە بانگۆک و ڤیەنا و ژنێڤا و مانێلا.

خاتوو ئیرینا ڤۆیاشکۆڤا-سۆلۆرانۆ بڕوانامەی دبلۆمی لە پەیوەندییە ئابورییە نێودەوڵەتییەکانی لە ئەکادیمیای دیپلۆماسی لە ڤیەنا وەدەست‌هێناوە و بڕوانامەی ماستەری لە مێژوو و جوغرافیا و یاسای نێودەوڵەتی لە زانکۆی ڤیەنا و هەروەها بەکالۆریۆسی لە مێژوو و کۆمەڵناسی و جوغرافیا و زانستە سیاسییەکانی لە زانکۆی هایدلبرگ لە ئەلمانیا وەدەستهێناوە . خاتوو ئیرینا ڤۆیاشکۆڤا-سۆلۆرانۆ زمانەکانی ئینگلیزی و ئەڵمانی و چیکی بە باشی دەزانێت.

نیویۆرک ، ٢ی تەموزی ٢٠٢٠