نەتەوە یەکگرتووەکان رێککەوتنێکی دارایی دابینکردن لەگەڵ فەرەنسا واژۆ دەکات بۆ هاوکاریکردنی پرۆسەی چاودێریکردنی نەتەوە یەکگرتووەکان بۆ هەڵبژاردنی ئەمساڵی تشرینی یەکەمی ئەنجومەنی نوێنەرانی عێراق

هاوکارییە داراییەکەی فەرەنسا دەبێتە مایەی بەتواناکردنی نەتەوە یەکگرتووەکان بۆ دامەزراندنی چاودێرانی هەڵبژاردن لەبەر رۆشنایی بڕیاری ٢٥٧٦ی ( ٢٠٢١) ئەنجومەنی ئاسایشی نەتەوە یەکگرتووەکاندا. 

لەمبارەوە، باڵیۆزی فەرەنسا لە عێراق، بورونۆ ئوبیرت، وتی "کۆمەڵگەی نێودەوڵەتی بەشێوەیەکی ئەرێنییانە وەڵامی داوایەکەی عێراقی دایەوە بۆ چاودێریکردنی پرۆسەی هەڵبژاردن. شایانی باسە، فەرەنسا زۆر دڵسۆزانە پشتگیری لە هەڵبژاردنێکی پاک و بێگەرد لە عێراق دەکات بۆ جێبەجێکردنی داخوازییەکانی خەڵک لە سەروەریی یاسا و ئەنجامدانی چاکسازی. "

ڕێکخراوی یونۆپس لەجیاتی نەتەوە یەکگرتووەکان رێککەوتنەکەی واژۆ کرد بۆ بەڕێوەبردن و داراییدان و هەڵسوڕاندنی پڕۆژەکە. نەتەوە یەکگرتووەکان لای خۆیەوە سوپاسی فەرەنسا دەکات بۆ ئەم هاریکارییە داراییە کە دەبێتە مایەی بەهێزکردنی پشتگیریکردنی پرۆسەی ئەنجامدانی هەڵبژاردنێکی پاک و بێگەرد و ڕوون لە عێراقدا.