نوسینگەی مافەکانی مرۆڤ/یونامی بەهاوکاری لەگەڵ تۆڕی عیراقی بۆ تۆڕە کۆمەڵایەتیەکان هەڵسان بە ڕێکخستنی دانیشتنێکی گفتوگۆئامێز دەربارەی مافە دیجیتالیەکان و ئاسایشی دیجیتالی

بەغدا ٥ ی نیسانی ٢٠٢٢، نوسینگەی مافەکانی مرۆڤ/یونامی بەهاوکاری لەگەڵ تۆڕی عیراقی بۆ تۆڕە کۆمەڵایەتیەکان هەڵسان بە ڕێکخستنی دانیشتنێکی گفتوگۆئامێز دەربارەی مافە دیجیتالیەکان و ئاسایشی دیجیتالی بۆ نەتەوە یەکگرتوەکان لەسەرانسەری جیهاندا. لە کانوونی یەکەمی 2021 تا ئازاری 2022 نوسینگەی مافی مرۆڤی یونامی بە هاوکاری تۆڕی عیراقی بۆ تۆڕە کۆمەڵایەتیەکان پڕۆژەیەکی جێبەجێ کرد بۆ بەهێزکردنی پاراستنی کارکردن لەسەر ئینتەرنێت بۆ بەرگریکارانی مافی مرۆڤی عێراق و بلۆگەر و ڕۆژنامەنووسان و چالاکوانان لە ڕێگەی زنجیرەیەك ڕاهێنان لەسەر مافە دیجیتالیەکان و ئاسایشی دیجیتالی بۆ ٢٠٠ بەشداربوو، لەگەڵ دابین کردنی ڕێنیشاندەری ئاسایشی دیجیتاڵ و دێسکی یارمەتی دیجیتاڵ و هەڵسەنگاندنی ئاسایشی دیجیتاڵی دروستکراو بۆ ڕێکخراوە ناحکومیەکانی عێراق. هەروەها پڕۆژەکە پلاتفۆرمێکی بۆ دیالۆگی نێوان دەسەڵاتدارانی عێراق و کۆمپانیا تایبەتەکان و نوێنەرانی کۆمەڵگەی مەدەنی دابینکرد بۆ خستنەڕووی هەنگاوەکانی پتەوکردنی مافەکان لە فەزای ئۆنلایندا. جێبەجێکردنی ئەم پڕۆژەیە بەبایەخێکی زۆرەوە لەلایەن کۆمەڵگەی مەدەنییەوە بەدیکرا، بەلەبەرچاوگرتنی ڕۆڵی زیادەی فەزای سایبەر لەچاودێری و ڕاپۆرت و داکۆکی لەمافەکانی مرۆڤدا، بە داننان بە گرنگی بۆ کەمکردنەوەی مەترسیەکانی سەر ئینتەرنێت و باشترکردنی پاراستنی داتاو پەیوەندی ئۆنلاین نوسینگەی مافەکانی مرۆڤ/یونامی و تۆڕی عیراقی بۆ تۆڕە کۆمەڵایەتیەکان چەند وانەیەکیان پێشکەش کرد و هەنگاوەکانیان خستەڕوو لەسەر چۆنیەتی فراوانکردنی چالاکیەکان لەسەر مافەکانی دیجیتاڵ لە عێراق. 21 بەشداربوو لە نێردەی جۆراوجۆری مەیدانی نەتەوە یەکگرتووەکان و نوسینگەکانی کۆمیسیاری باڵای مافەکانی مرۆڤ بەشداری کۆبوونەوەکەیان کرد و ئەزمونی خۆیاننیان خستەڕوو، هەروەها تیشکیان خستە سەر گرنگی بواری خێرا گەشەسەندووی ئاسایشی دیجیتاڵ بۆ پاراستن و بەهێزکردنی مافەکانی مرۆڤ.