نووسینگەی هاریکاریی هەڵبژاردنی یونامی سەکۆیکارێکی ڕێکخست بۆ کارمەندانی بەشی لۆجستی و کڕینی کۆمسیۆنی باڵای سەربەخۆی هەڵبژاردنەکان دەربارەی بەڕێوەبردن و پلاندانانی لۆجستی

نووسینگەی هاریکاری هەڵبژاردنی یونامی سەکۆیکارێکی ڕێکخست لە بارەی بەڕێوەبردن و پلاندانانی لۆجستی بۆ ٣٥ کارمەندی کۆمسیۆنی باڵای سەربەخۆی هەڵبژاردنەکان کە بەرپرسانی لۆجستی و سەرۆکی بەشی کڕینی لە نووسینگەی نیشتیمانی کۆمسیۆنی باڵای سەربەخۆی هەڵبژاردنەکان، سەرۆکی بەشی لۆجستی لە نووسینگەی هەڵبژاردنی پارێزگاکان و سەرۆکی بەشی لۆجستی لە نووسینگەی هەڵبژاردنی هەرێمی کوردستان لەخۆگرتبوو.   کارمەندانی کۆمسیۆنی باڵای سەربەخۆی هەڵبژاردنەکانیش بەشدارییان لە گفتوگۆیەکاندا کرد بۆ باشترکردنی پرۆسەکانی کارکردن و پلاندانان.  نووسینگەی هاریکاریی هەڵبژاردنی یونامی بەردەوامە لە پشتیوانیکردنی پەرەپێدانی توانای کارمەندانی کۆمسیۆنی باڵای سەربەخۆی هەڵبژاردنەکان لە کردە لۆجستیەکاندا بۆ دڵنیابوون لە شەفافیەت و لێهاتوویی تەکنیکی بۆ هەڵبژاردنەکانی ئایندە.