یونیسێف ئیدانەی هێرشکردنە سەر قوتابخانەیەكی شاری کۆیە دەکات و داوا لە هەموو لایەنەکان دەکات ڕێز لە جاڕنامەی سەلامەتیی قوتابخانەکان بگرن.

بەغدا، 28ی ئەیلوولی 2022- "یونیسێف ئیدانە و سەرزەنشتی ئەو هێرشە دەكات کە ئەمڕۆ کرایەسەر قوتابخانەیەکی نێو كامپی پەنابەران لە كۆیە، لە هەرێمی کوردستانی عێراق."

بەپێی ڕاپۆرتە سەرەتاییەکان، بەلایەنی کەمەوە دوو منداڵ برینداربوون و ئافرەتێكی دووگیانیش گیانی لەدەستداوە. یونیسێف پرسە و سەرەخۆشی لە خانەوادە و دۆستانی ئەو کەسانە دەکات کە بوونەتە قوربانی و هیوای چاکبوونەوەی خێرا و تەواو بۆ منداڵە بریندارەکان دەخوازێت.

هێرشکردنە سەر منداڵان و دامەزراوەی قوتابخانەکەیان قبوڵ ناکرێت و دەکرێت بە پێشێلکارییەکی گەورەی مافەکانی منداڵانی دابنرێت. پێویستە هەمیشە دامەزراوەکانی قوتابخانە، شوێنی سەلامەت بن بۆ هەموو منداڵێک، بە شێوەیەک کە منداڵان بتوانن لەوێ فێرببن، گەمە بکەن و گەشە بکەن تاوەکوو تەواوی تواناکانیان دەردەکەوێت.

"یونیسێف داوا لە هەموو لایەنەکان دەکات کە منداڵان هەموو کاتێک لە هەر بارودۆخێکدا، لە هەموو جۆرە توندوتیژییەک بپارێزن، هەروەها ڕێز لە جاڕنامەی سەلامەتیی قوتابخانەكان بگرن."

#پەروەردەلەژێرهێرشدایە