ئێستا زیاتر لە ١٥٠ هەزار کەس لە دهۆک لە ڕێگەی پڕۆژەیەکی نوێی یونیسێفەوە کە لەلایەن ئەڵمانیاوە پارەی بۆ دابینکراوە، دەستیان بە ئاوی پاکی خواردنەوە دەگات

بەغدا، 1ی شوباتی 2023- ئەمڕۆ یونیسێف پرۆژەیەکی ئاوی ڕادەستی پارێزگاری دهۆک کرد، کە لەلایەن ئەڵمانیاوە دارایی بۆ دابینكراوە. لە رێورەسمی ڕادەستکردنەکەدا هەریەكە لە به‌رێز ساسان عه‌ونی، وه‌زیری شاره‌وانی و گه‌شت وگوزار، د.عەلی تەتەر پارێزگاری دهۆک، بەڕێز کلاوس سترایشەر، کونسوڵی گشتی کۆماری فیدراڵی ئەڵمانیا؛ دکتۆر ئانا جانکی، بەڕێوەبەری نیشتیمانی بانکی گەشەپێدانی KfW و به‌رێز ماس ئويه‌ن، سه‌روكی ئوپراسیو‌نی مه‌یدانی ئامادە بوون. ئەم پڕۆژەیە دەبێتە هۆی دەستەبەرکردنی ئاوی خواردنەوەی پاک و خاوێن بۆ زیاتر لە 150 هەزار کەس لە دەڤەری ئامێدی، لە باکوری دهۆک، و خزمەت بە کۆمەڵگا و ماڵ و قوتابخانە و دامەزراوەكانی چاودێری تەندروستی دەکات.

ئەم پڕۆژەیە کە لەلایەن حکومەتی ئەڵمانیاوە و لەڕێگەی بانکی گەشەپێدانی KfW پارەی بۆ دابینکراوە، بۆ چارەسەركردنی راددەی بەرزی لێڵی ڕووبارەکە جێبەجێکراوە. ڕێژەی بەرزی لێڵی ڕووبارەکە و چارەسەرکردنی سنوردار بو ئاوی ناخاوێن بةهوى نه‌ بوون وته‌رخانكرندنی بودجه‌یه‌كی تایبه‌ت بو چاره‌سه‌ركردنێكی یه‌ك جار، كه‌ ئه‌مه‌ بوونە هۆی سنوورداربوونی بەردەستبوون، و دەستڕاگەیشتن بە ئاوی خواردنەوەی پاک، ئەمەش ژیانی منداڵان و خێزانەکانیانی روبەڕوی مەترسی تووشبوون بەو نەخۆشییانە كردەوە كە لە رێی ئاوەوە دەگوازرێنەوە.

پڕۆژەکە ژوورێکی دەمەوانەی کۆنترۆڵکردنی دروستکرد، لەگەڵ راكێشانی هێڵی سەرەکی ئاو و بونیادی وەرگرتنی وێستگەی چارەسەرکردنەکەشی بەرزکردەوە. لە ئەنجامدا، نزیكەی ٢٤٠٠ م٣ ئاوی خواردنەوەی پاک و سەلامەت لە کاتژمێرێکدا هەڵدەدات- کە یەکسانە بە بڕی ئاوی مەلەوانگەیەکی قەبارە ئۆڵۆمپی.

 بەڕێز کلاوس سترایشەر، کونسوڵی گشتی کۆماری فیدراڵی ئەڵمانیا رایگەیاند كە:  ”مایەی سەرنج و سەرسامییە  كە جێبەجێكردنی ئەم پرۆژەیە دەبینین. ئاو ژیانە! ئێمە ئاسوودەین کە ئێستا كەسانێكی زۆر دەتوانن سوودمەند بن لە دەستڕاگەیشتن بە ئاوی پاک“  و ئەوەشی زیاد کرد كە  ”ئەگەر هاوبەشەکان پێکەوەكاربكەن، دەتوانین ڕووبەڕووی کاریگەرییەکانی گۆڕانی کەشوهەوا ببینەوە.“   

د. ئانا جانكی، بەڕێوەبەری نیشتیمانی بانكی گەشەپێدانی KfW رایگەیاند "دڵنیابوون لە دەستڕاگەیشتن بە ئاوی سەلامەت و پاک یەکێکە لە كارە لە پێشینەكانمان بۆ کەمکردنەوەی کاریگەرییەکانی گۆڕانی کەشوهەوا. و بانکی گەشەپێدانی KfW شانازی دەکات کە دەبینێت ئەم پڕۆژەیە بەدیهاتووە کە منداڵان و خێزانەکانیان سوودمەندن لە ئاوی خواردنەوەی پاک و سەلامەت."

منداڵان و خێزانە لاوازەکان زیاتر بەرەوڕووی ئاستەنگەکانی پەیوەست بە کەشوهەوا دەبنەوە. ئەگەر لە ئێستادا هیچ هەنگاوێك نەگرینەبەر، ئەوا ئەو نایەکسانیانە زیاتر قووڵ دەبێتەوە کە منداڵان و گەنجان بەهۆی گۆڕانی کەشوهەواوە ڕووبەڕووی دەبنەوە.

به‌رێز ماس وتی سێنگوپتا، نوێنەری یونیسێف لە عێراق رایگەیاند "کەمکردنەوەی کاریگەرییەکانی گۆڕانی کەشوهەوا یەکێکە لە كارە لە پێشینەكانمان. و بە هۆی پاڵپشتی ئەڵمانیا، و لە ڕێگەی بانکی گەشەپێدانی KfW، ئەم پڕۆژەی ئاوە دڵنیای دەدات لەوەی ژێرخانی ئاو و خزمەتگوزارییەکان سەلامەت، و بەردەوام و خۆڕاگرن بەرامبەر بە مەترسییەکانی پەیوەست بە کەشوهەوا، کە  ئاوی خواردنەوەی سەلامەت و پاک بۆ منداڵان و خێزانەکانیان دەستەبەر دەکات. ئەم سیستەمە ئاوییە كە نۆژەنکراوەتەوە، نەک هەر سوودی تەندروستی بێشومار بۆ منداڵان و خێزانەکانیان دەستەبەر دەكات، بەڵکو یارمەتیدەرە بۆ بنیاتنانی خۆڕاگری کۆمەڵگا بەرامبەر بە کاریگەرییەکانی گۆڕانی کەشوهەوا."

یونیسێف پابەندە بە پاڵپشتیکردنی حکومەتی عێراق و گەلەکەی بۆ ڕووبەڕووبوونەوەی ئاستەنگە ژینگەییە بەردەوامەكان و درێژە دەدات بە كاركردن لەگەڵ داکۆکیکارە لاوەكان و گەنجانی دیکە بۆ ئەوەی بتوانن ببنە هۆكاری گۆڕانکاری، لە پەیوەندیدا بە بەهای ئاو و پاراستنی ئاوەوە.

لەبارەی یونیسێفەوە

یونیسێف لە هەندێ لە دژوارترین شوێنەكانی جیهاندا كار دەكات، تاوەكو بەو منداڵانەی جیهان بگات كە دووچاری زۆرترین بێبەشبوون بوونەتەوە. لە زیاتر لە 190 وڵات و ناوچەدا، كار بۆ هەموو منداڵێك دەكەین لە هەموو شوێنێك، ئەویش لە پێناو بنیاتنانی جیهانێكی باشتر بۆ هەمووان.

بۆ زانیاری زیاتر لەبارەی یونیسێف و كارەكانییەوە بۆ منداڵان سەردانی ئەم لینكە بكەن: www.unicef.org

بەدواداچوون بكەن بۆ یونیسێف  لە عێراق لە وێبسایت، ئینستگرام،  تویتەر  و  فەیسبووكەكانمان