نووسینگەی مافی مرۆڤی یونامی ڕاهێنانێک سەبارەت بە بەشداریی رێکخراوە ناحکومییەکان لەگەڵ میکانیزمی مافی مرۆڤی نەتەوە یەکگرتووەکان ئەنجام دەدات

ئۆفیسی مافەکانی مرۆڤی نێردەی نەتەوە یەکگرتووەکان بۆ هاریکاری عێراق (یونامی) وێرک شۆپێکی دوو ڕۆژەی ڕێکخست دەربارەی " بەشداریکردنی ڕێکخراوە ناحکومییەکان لەگەڵ میکانیزمەکانی مافەکانی مرۆڤی نەتەوە یەکگرتووەکان " بە بەشداریی 33 کەس (9 ژن و 24 پیاو) لە نوێنەرانی ڕێکخراوە ناحکومییەکانی هەولێر و دهۆک و سلێمانی. ئامانجی ڕاهێنانەکە ڕوونکردنەوەیەکی فراوان بوو دەربارەی میکانیزمەکانی مافەکانی مرۆڤی نەتەوە یەکگرتووەکان و ئاشناکردنی بەشداربووان بوو بە ڕۆڵی ئەکتەرەکانی کۆمەڵگەی مەدەنی لە کارکردنی کاریگەرانە لەگەڵ ئەم ئامرازانە، ئەمەش بەمەبەستی جێبەجێکردنی پابەندیەکانی دەوڵەت تایبەت بە مافەکانی مرۆڤ و ئەو ڕاسپاردانەی کە لە ڕێگەی ئەم میکانیزمانەوە بۆ دەوڵەت دەرکراون.