مەبەست لە وێرکشۆپی نووسینگەی مافی مرۆڤی یونامی بەهێزکردنی بەشداریی ڕێکخراوەکانی کۆمەڵگەی مەدەنییە لەگەڵ لێژنەی نەتەوە یەکگرتووەکان بۆ لەناوبردنی جیاکاریی رەگەزپەرستانە.

ئەمڕۆ نوسینگەی مافەکانی مرۆڤی یونامی وێرکشۆپێکی بە ئامانجی بەهێزکردنی پەیوەندی کۆمەڵگەی مەدەنی لەگەڵ لیژنەی نەتەوە یەکگرتووەکان بۆ بنبڕکردنی جیاکاریی ڕەگەزی CERD ئەنجامدا وەک ئامادەکارییەک بۆ پێداچوونەوەی داهاتووی لیژنەی بنبڕکردنی جیاکاریی ڕەگەزی بۆ عێراق کە لە مانگی ئابدا بەڕێوەدەچێت . 25 بەشداربوو (20 پیاو و 5 ئافرەت) بەشدارییان لە چالاکییەکەدا کرد، لەنێویاندا نوێنەران و ئەندامانی گروپە ئایینی و نەتەوەییەکانی عێراق و سەرکردە ئایینییەکان و نوێنەرانی کۆمەڵگەی مەدەنی و کۆمیسیونی باڵای مافەکانی مرۆڤی عیراق.
لە میانی وۆرکشۆپەکەدا بەشداربووان ڕێنمایییان پێدرا سەبارەت بە چۆنیەتی ئامادەکردن و پێشکەشکردنی ڕاپۆرتەکان بۆ دەستەکانی پەیماننامەکانی نەتەوە یەکگرتووەکان، لەوانەش لیژنەی نەتەوە یەکگرتووەکان بۆ بنبڕکردنی جیاکاریی ڕەگەزی CERD. پاشان بەشدارییان لە گفتوگۆییەکی بە کۆمەڵدا کرد سەبارەت بە دۆخی جێبەجێکردنی حکومەت بۆ ڕێککەوتننامەی نەهێشتنی جیاکاریی ڕەگەزی و پرسە سەرەکییەکانیان دەستنیشان کرد بۆ ئەوەی بخرێنە نێو 'ڕاپۆرتی سێبەر' کە ڕێکخراوەکانی کۆمەڵگەی مەدەنی عێراقی ئامادەی دەکەن و پێشکەشی لیژنەی نەتەوە یەکگرتووەکان بۆ بنبڕکردنی جیاکاریی ڕەگەزی دەکەن وەک بەشێک لە پرۆسەی پێداچوونەوەکەید