نووسینگەی مافەکانی مرۆڤی یونامی وێرکشۆپێکی یەک ڕۆژەی لەسەر "ڕۆڵی کۆمەڵگەی مەدەنی سەبارەت بە گۆڕانی کەشوهەوا و مافی مرۆڤ لە هەرێمی کوردستانی عێراق" ڕێکخست

نووسینگەی مافەکانی مرۆڤی نێردەی نەتەوە یەکگرتووەکان بۆ هاوکاری عێراق (یونامی) وێرکشۆپێکی یەک ڕۆژەی لەسەر "ڕۆڵی ڕێکخراوەکانی کۆمەڵگەی مەدەنی سەبارەت بە گۆڕانی کەشوهەوا و مافی مرۆڤ لە هەرێمی کوردستانی عێراق" ڕێکخست. لە چالاکییەکەدا ٢٤ بەشداربوو (١٠ لە ڕەگەزی مێ و ١٤ لە ڕەگەزی نێر) لە دهۆک و هەولێر و هەڵەبجە و سلێمانی بەشداربوون. ئامانجی وێرکشۆپەکە دامەزراندنی تۆڕێک بوو لە نێوان ڕێکخراوەکانی کۆمەڵگەی مەدەنی بۆ داکۆکیکردن لە پەرەپێدانی سیاسەتەکانی گۆڕانی کەشوهەوا لەسەر بنەمای مافی مرۆڤ و یاسادانان بۆ هەرێمی کوردستانی عێراق. بەشداربووان چەندین ڕێوشوێنی کۆنکرێتی و پلانی کارکردنیان پێشنیار کرد بۆ کەمکردنەوەی کاریگەرییەکانی گۆڕانی کەشوهەوا لەسەر مافەکانی مرۆڤ.