وتەی دکتۆر موحەمەد ئەلحەسان، نوێنەری سکرتێری گشتی نەتەوە یەکگرتووەکان و سەرۆکی نێردەی یونامی لە عێراق، لە حەوتەمین ساڵیادی دامەزراندنی "وێستگە- المحطة"

خانمان، بەڕێزان 

ئێوارەتان باش 

شانازییە بۆ من ئەمڕۆ لەگەڵ ئێوەم بۆ ئاهەنگێڕان بەبۆنەی حەوتەمین ساڵیادی دامەزراندنی " المحطة".

تێڕوانینی ئیلهام بەخش و بەهێزتان : عێراقێکی خاوەن ئابووری گەشەسەندوو  و  گشتگیر و  بە هێز کە بە وزە  و  داهێنان و سەرکردایەتی گەنجە داهێنەرەکانی سەرپەرشتی دەکرێت.

لە نەتەوە یەکگرتووەکان  بە تەواوی باوەڕمان وایە کە ئایندەی عێراق ڕووناکتر و سەقامگیرترە ئەمەش تەنها لە ڕێگەی وەبەرهێنان لە گەنجەکان دەتوانرێت بەدیبهێنریت - لە ئێوە – نەوەی بونیاتنەری گۆڕان ،  گۆڕانکاری بۆ باشتر و چاکتر.

"المحطة" دەستپێشخەرییەکی ناوازەیە و دەڕوانێتە ئایندە و جڤاکی بیرمەندان و داهێنەران و ئارەزوومەندان بەیەکەوە گرێ دادات. 

لە ناخەوە دڵخۆشم بە زانینی ئەوەی ئەم شوێنە دەرفەت بە  گەنجەکان دەدات توانای مێشکی داهێنەرانەیان ئازاد بێت و هەروەها پشتگیری و سەرچاوەکانی پێویست بۆ بیرۆکە داهێنەرەکانیان و پڕۆژەکانی ئایندەیان بەدەست بهێنن.

ئەم شوێنە بەڵگەیەکی زیندووە لەسەر توانای مێشکە عێراقییەکان  و لەسەر باوەشکردنەوە بۆ داهێنان و لەسەر  ویست و خواست و کۆششە کۆمەڵایەتییەکان کە ڕۆڵێکی یەکلاکەرەوە دەگێڕن لە پێشوەچوونی عێراق  بەرەوە ئایندەیەکی گەش. 

لەم چەند ساڵەی ڕابردوودا، "المحطة" ڕۆڵێکی گرنگی بینیوە لە پەرەپێدانی ئابووری عێراق لە ڕێگەی بەهێزکردنی دەستپێشخەرییە ناوخۆیییەکان و دابینکردنی ژینگەیەکی گونجاو بۆ گەشە و دەرفەتەکان.

بە کورتی، ئەمە کلتورێکی نوێیە لە عێراق ڕێچکەی کردوو ە و  دەبێت پشتگیری بکرێت و باوەشی بۆ بکرێتەوە .

لەم ساڵیادەدا، پیرۆزبایی  لەکار و کۆششە ناوازەکانتان دەکەم . پشتگیریی و پاڵپشتییە چەسپاوەکانی نەتەوە یەکگرتووەکان بۆ ئەم جۆرە دەستپێشخەرییە داهێنەرانە دووپات دەکەمەوە ، ئەم دەستپێشخەرییانە عێراق بە خێرایی دەگێڕێتەوە  بۆ پێگەی سروشتی خۆی لەنێو  وڵانان، عێراقێکی دوور  لەکاریگەرییە نەرێنییەکانی ڕابردوو و ترس لە ئایندە . عێراقێکی ڕۆشن، کە لەلایەن گەنجەکانییەوە سەرپەرشتی دەکرێت گرنگیشە بۆ زامنکردنی ئایندەیەکی رووناک بۆ نەوەکانی داهاتوو و  تژی بێت لە دەرفەت و گەشە.

لەم دەرفەتەدا ،  سوپاسی کۆمەڵگەی نێودەوڵەتی دەکەم بۆ پشتگیریکردنی کارەکانی "المحطة"، و داوایان لێدەکەم و هانیشیان دەدەم کە پشتگیریی و دەستپێشخەریی زیاتر پێشکەش بکەن ، چونکە کاریگەرییەکی ڕاستەوخۆیان هەیە لەسەر ئایندەی عێراق. پشتگیرییەکانتان زۆر گرنگ بووە بۆ سەرکەوتنی "المحطة "، و بەیەکەوە کار دەکەین بۆ دڵنیابوون لە درێژەپێدانی و پێشوەچوونی. 

جاری دیکە سوپاس. سوپاس بۆ بانگهێشتی ئەمڕۆم بۆ بەشداریکردن لەم ئاهەنگە لەگەڵتان، سوپاس بۆ  بەڕێز وەدیع و بۆ هاوڕیان و هاوکاران.