یونامی ئیدانەی هێرشەکەی سەر کریستیانە ئاشوورییەکان دەکات لە دهۆک

لەمبارەیەوە، دکتۆر محەمەد ئەلحەسان، نوێنەری تایبەتی سکرتێری گشتی نەتەوە یەکگرتووەکان بۆ عێراق و سەرۆکی نێردەی یونامی، ستایشی وەڵامدانەوەی دەستبەجێ و کاریگەرییانەی دەسەڵاتدارانی کرد بە یەکسەر دەسگیرکردنی ئەنجامدەرەکە. ئەو هەروەها ئیدانەی توندیشی دەربڕی بۆ ئەم کارە تاوانکارییە کە هەڕەشە لە گیانی پێکەوەژیان و لێبوردەیی دەکات کە عێراقییەکان و دەسەڵاتدارانی عێراق بە وریایی کاریان بۆ دروستکردنەوە و پاراستنی کردووە و داوای لە دەسەڵاتدارانیش کرد بۆ دڵنیابوون لە دەسگیرکردنی هەموو ئەوانەی کە تاوانباران.

لەمبارەوە، دکتۆر ئەلحەسان، وتی "پشتیوانیمان بۆ کریستیانە ئاشوورییەکان لەم کاتە سەختەدا دووپات دەکەینەوە لەگەڵ جەختکردنەوەشمان لەسەر ئەوەی کە فرەیی ئاینی و نەتەوەیی بەردی بناغەی پێکهاتەی کۆمەڵایەتیی عێراقە و پێویستە لە هەموو کاتەکاندا پارێزگارییان لێ بکرێت وەک پێکهاتەیەکی گرینگ بۆ عێراقێکی گشتگر و سەقامگیر."