پەیامی نوێنەری تایبەتی سکرتێری گشتی نەتەوە یەکگرتووەکان بۆ عێراق بەبۆنەی ساڵی تازەی کۆچی ١٤٤٧

لەسەرەتای ساڵی تازەی کۆچیدا، ١٤٤٧، مایەی خۆشحاڵییە کە بەم بۆنە پیرۆزەوە لە ناخی دڵمەوە پیرۆزبایی گەرمتان ئاراستە بکەم. من نزا لای خوای گەورە دەکەم کە بیکاتە ساڵی خێر و خۆشی و بەهێزکردنی خۆشەویستی و ئاشتی بۆ ئێوە و بۆ تەواوی مرۆڤایەتی.
 
ئەم بۆنەیە بە هەموو  ئاراستەکانیەوە هەر تەنها یادکردنەوەی تێپەڕبوونی ساڵ نییەو بەس بەڵکوو دەرفەتێکیشە بۆ تازەکردنەوەی بەڵێن و بڕیار بۆ درێژەدان بە رەوتی دادپەروەری و گەشەپێدان و پەرەپێدانی بەها مرۆییەکان و بەرەوپێشبردنی بەهای مرۆڤایەتی و بنەماکان.

لەم ساڵە تازەیەدا، ئێمە ڕوو دەکەینە خوای گەورە و بەتوانا بۆ تەندروستی باش و خۆشگوزەرانی و ئاسوودەیی بۆ عێراق و دواتریش بۆ هەموو مرۆڤایەتی.

ئێمە هەروەها داوا لە هەموو خەڵکی خۆشەویستی عێراق دەکەین بە هەموو پاشخان و بیروباوەڕە جۆراوجۆرەکانییەوە کە یەکگرتوو بن و دووبەرەکی و ئاژاوە وەلا نێن و رابردووش بە هەموو رووداوەکانییەوە بخەنە لاوە و هەنگاویش بەرەو ئایندەیەکی گەشتری پڕ لە هیوا بنێن، ئایندەیەکی کە تێیدا دادپەروەری بەرقەرار بێت و مافی مرۆڤ و یەکسانیی هاوڵاتیبوونیش رێزلێگیراو بێت.

هیوای ساڵێکی خۆشگوزەران بۆ ئێوە و عێراق دەخوازم