لێدوانی ڕۆژنامەیی ئەنجومەنی ئاسایشی نەتەوە یەکگرتووەکان | سەرکۆنەی هەوڵی رۆژی ٧ی تشرینی دووەمی ٢٠٢١ تیرۆرکردنی موستەفا ئەلکازمی سەرۆک وەزیرانی عێراق دەکات

ئەندامانی ئەنجومەن خۆشحاڵی خۆشیان دەربڕی بەوەی سەرۆک وەزیران لەم هێرشەدا بریندار نەبووە.  

هەروەها ئەندامانی ئەنجومەنی ئاسایش  پشتیوانی خۆیان بۆ سەربەخۆیی و سەروەری و یەکێتی و یەکپارچەیی خاکی عێراق و پرۆسەی دیموکراتی و خۆشگوزەرانی عێراق دووپات کردەوە .  

ئەندامانی ئەنجومەنی ئاسایش ئەوەشیان دووپاتکردەوە کە تیرۆر بە هەموو شێواز و دەرکەوتەکانیەوە مەترسییەکی هەرە جیدی لە سەر ئاشتی و ئاسایشی جیهانی پێکدەهینێت.   

ئەندامانی ئەنجومەنی ئاسایش جەختیشیان لە پێویستی لێپێچینەوە لەگەڵ ئەنجامدەران و ڕێکخەران و پارەدەران و سەرپەرشتیکەرانی  ئەم کردە تیرۆریستیە قێزەوەنانەو پەلکێشکردنیان بۆ بەردەم دادوەریی کردەوە ، هەروەها ئەندامانی ئەنجومەن داوایان لە وڵاتان کرد ، بە گوێرەی پابەندییەکانیان بە یاسای نیودەوڵەتی و بڕیارەکانی ئەنجومەنی ئاسایشی پەیوەندار، لەم بابەتە چالاکانە لەگەڵ حکومەتی عێراق و دەسەڵاتە پەیوەندارەکان هاریکار بن.  

ئەندامانی ئەنجومەنی ئاسایش ئەوەشیان دووپاتکردەوە کە هەر کردەوەیەکی تیرۆریستی کردەی تاوانکاریی و بێ پاساوە ، بێ لەبەرچاوگرتنی پاڵنەر و کات و شوێن و بکەرانی کردەکە . هەروەها ئەندامان دووبارە بە پێویستیان زانی وڵاتان بەهەموو هۆکارەکان ،  وبە گوێرەی پەیماننامەی نەتەوە یەکگرتووەکان و پابەندییەکان بە یاسای نێودەوڵەتی بە یاسای نێودەوڵەتی مافەکانی مرۆڤ و یاسای نێودەوڵەتی پەنابەریی و یاسای نێودەوڵەتی مرۆییشەوە، دژ بە هەڕەشەکانی سەر ئاشتی و ئاسایشی نێودەوڵەتی بوەستنەوە کە لە ڕێگای کردەی تیرۆریستیەوە دەکرێن.  

٨ ی تشرینی دووەمی ٢٠٢١  

وه‌رگێرانی نافه‌رمی له‌لایه‌ن به‌شی راگه‌یاندنی یونامییه‌وه‌