نەتەوە یەکگرتووەکان لە عێراق بە نمایشێکی دیجیتاڵیی سەرنجڕاکێش لەسەر یەکێک لە بەرزترین بینایەکانی بەغدا یادی رۆژی نەتەوە یەکگرتووەکان دەکاتەوە

یادکردنەوەی ڕۆژی نەتەوە یەکگرتووەکان لە ٢٤ی تشرینی یەکەمی ٢٠٢٢ دا، تا رادەیەک دەگمەن و دانسقە بوو. دوای دوو هەفتە لە تاوتوێ و پلاندانان و ئامادەکاریی چڕوپڕ، نمایشە ناوازە کە لە کاتژمێر ٧:٤٠ خولەکی ئێوارە و لە ئێوارەیەکی سارد و خۆشدا دەستی پێکرد.

ئێستا بە پێچەوانەی گەرمای بەتینی زۆربەی ساڵەکە، لە عێراق وەرزی زستانە کە رۆژ بە بێدەنگی لە ئێوارەیەکی زووتر ئاوا دەبێت و ئێمە لە ڕۆژێکی کورت و سارددا جێ دەهێڵێت.

لە گەرمەی هاتوهاواری بەغدای بە کەلتوور دەوڵەمەند و قەڵەباڵخیی لەڕادەبەدەری هاتوچۆی ئێواراندا، نووسینگەی راگەیاندنی یونامی نمایشەکەی خستە کار کە کارەکانی نەتەوە یەکگرتووەکانی لە عێراق لەسەر بەرزترین بینایەی بەغدای پایتەختی عێراق لەڕێگەی ٣ شاشەی زەبەلاحەوە دەخستەڕوو کە ڕووکاری "مۆڵی بەغدا" یان بە زنجیرەیەک وێنەی سەرنجڕاکێش بە تەواوی داپۆشتبوو بۆ گەیاندنی ئەو پەیامەی کە نەتەوە یەکگرتووەکان چی لە #رۆژی_نەتەوە_یەکگرتووەکان و چی لە هەموو ڕۆژەکانی تردا  پابەندیی خۆی تازە دەکاتەوە سەبارەت بە کارکردنی پێکەوەیی بۆ عێراقێکی سەقامگیر و خۆشگوزەران بۆ ئەوەی بتوانێت # ئامانجە_جیهانییەکان بکاتە ئامانج و #هیچ_کەس_پشتگوێ_نەخرێت.

ئەم نمایشە هەروەها دەرفەتێک بوو بۆ نیشاندانی ئەوەی کە نەتەوە یەکگرتووەکان لە عێراق کار بۆ بەدەستهێنانیان دەکات کە بریتین لە کارکردن بۆ ئاشتی بۆ پاراستنی ئایندەی گەنجانی عێراق و پەرەدان بە گفتوگۆی بنیاتنەر و یەکڕیزیی کۆمەڵایەتی لەگەڵ داننانیش بە جوانی و سادەیی و گەشەپێدانی هێز لە جۆراوجۆری و گەشەپێدانی مافەکانی مرۆڤ و ئازادیی ڕادەربڕین و یارمەتیدانی ڕزگارکەر بۆ ئەوانەی کە پێویستن.

لە وێنەی منداڵ تا بە ساڵاچووان، لە ڕاهێنانی پیشەیی و تەکنیکی تا گەشەپێدانی پڕۆژەی بەردەوام، لە بەهێزکردنی توانای ژنان تا دابینکردنی دادوەری بۆ قوربانییانی تاوانی شەڕ، نمایشەکە سەرنجی بینەرانی راکێشا لە گەنج و خەڵکی تر. شایانی باسە، نمایشەکە تا کاتژمێر ٨:٤٥ ی ئێوارە درێژەی کێشا.