برەودان بە مافی ئافرەتان لە ڕێگەی هونەرەوە بۆنەیەک بۆ دەربڕینی هونەری لە عێراق - وتاری دەستپێکی خاتوو دانیێل بێڵ، بەرپرسی نوسینگەی مافەکانی مرۆڤی یونامی

ئەمڕۆ کۆبوینەتەوە بۆ ئاهەنگگێڕان بەبۆنەی هێزی داهێنان و دەربڕینی هونەری لە پێشخستنی مافەکانی ژنان.

بە درێژایی مێژوو هونەر ئامرازێکی بەهێز بووە بۆ گۆڕانکاری کۆمەڵایەتی.

کاتێک باس لە برەودان بە مافەکانی ژنان دەکرێت، هونەر ئامرازێکی سەرەکی بووە بۆ هۆشیاری و بنیاتنانی هاودەنگی و ئالنگاریی نۆرمەکانی کۆمەڵگا و پێشخستنی گۆڕانکاری ئەرێنی بەرەو یەکسانی جێندەری.

ئەمڕۆ نوسینگەی مافەکانی مرۆڤی یونامی شانازی دەکات کە لەگەڵ کۆمەڵێک هونەرمەندی هەمەچەشن پەیوەندی دەکات کە بەهرەکانیان بەکاردەهێنن بۆ داکۆکیکردن لە مافەکانی ئافرەتان لە ڕێگەی کارەکانیانەوە.

هونەرمەندان توانایەکی ناوازەیان هەیە بۆ دەربڕینی بیرۆکە و هەستە ئاڵۆزەکان بە شێوەیەک کە لە ئاستێکی قووڵتردا دەنگدانەوەی لەگەڵ مرۆڤەکاندا هەبێت.

هونەر هێزی  ڕوبەڕوبونەوەی بیری چەقبەستو و لایەنگیریی هەیە کە ژنان و کچان دووچاری دەبنەوە، هەروەها یارمەتی خەڵک دەدات لە تێگەیشتن لە دیدگا جیاوازەکان.

با پێکەوە لەوە بکۆڵینەوە کە چۆن دەتوانرێت هونەر وەک ئامرازێک بۆ گۆڕانکاری کۆمەڵایەتی لە برەودان و پاراستنی مافەکانی ژنان بەکاربهێنرێت، لەوانەش داکۆکیکردن لە بەرەنگاربوونەوەی توندوتیژی دژی ژنان و کچان.

لە کاتێکدا ئێمە بەردەوامین لە کارکردن بۆ کۆمەڵگایەکی دادپەروەرتر و یەکسانتر، با هێزی هونەر بەکاربهێنین بۆ دروستکردنی کۆمەڵگایەکی گشتگیرتر، بۆ دروستکردنی فەزای گفتوگۆ و بەشداریکردن و بەرەنگاربونەوەی ئەو چەشنە چەقبەستوو و لایەنگرییانەی کە بەشدارن لە نایەکسانی جێندەری.

هیوادارم بۆنەی ئەمڕۆ ئیلهامبەخش بێت بۆ هەموومان بۆ بەکارهێنانی دەنگ و داهێنانەکانمان بۆ داکۆکیکردن لە کۆمەڵگایەکی دادپەروەرتر و یەکسانتر.

سوپاستان دەکەم

گاله‌رى وێنه‌