نووسینگەی مافەكانی مرۆڤی سەر بە نەتەوە یەکگرتووەکان ڕاهێنانێکیان لەسەر ئاسایشی دیجیتاڵی و مافە دیجیتاڵییەکان لە کەربەلا ڕێكخست

کەربەلا، 6 و7 ی تشرینی یەکەمی 2023 – نووسینگەی مافەكانی مرۆڤی سەر بە نەتەوە یەکگرتووەکان یونامی (UNAMI HRO) و تۆڕی عێراقی بۆ سۆشیال میدیا  INSM ڕاهێنانێکیان لەسەر “ئاسایشی دیجیتاڵی و مافە دیجیتاڵییەکان” بۆ 29 كەس (21 پیاو و 8 ژن) ڕێكخست كە داکۆکیکارانی مافەكانی مرۆڤ و چالاکوانان و ڕۆژنامەنووسان و بلۆگەران و پارێزەرانی لەخۆگرتبوو.

ڕاهێنانەکە ئامرازی پراکتیکی پێشکەش بە بەشداربووان کرد كە تایبەت بوون بە چۆنیەتی گەڕان بە سەلامەتی لە فەزای ئەلیکترۆنی و جەختکردنەوە لەسەر مافی ئازادی ڕادەربڕین و برەودان بە خۆپارێزی لە بەرامبەر ووتاری ڕق و كینە لە ژینگەی دیجیتاڵیدا.

ڕاهێنانەکە لە بارەگای کۆمیسیۆنی باڵای مافەکانی مرۆڤی عێراقی بەڕێوەچوو، بەمەش دووەمین ڕاهێنان بوو لە میانی زنجیرە راهێنانێكی هاوشێوە كە پێك دێت لە پێنج ڕاهێنان و بڕیارە لە عێراقی فیدراڵ و هەرێمی کوردستانی عێراقدا بەڕێوەبچێت.