پەیامی نوێنەری تایبەتی سکرتێری گشتی نەتەوە یەکگرتووەکان لە عیراق

ڕۆژهەڵاتی ناوەڕاست بەکاتێکدا تێپەڕدەبێت کە ململانێیەکان لە غەززە چڕبوونەتەوە و لە شوێنەکانی دیکەش کردەی چەکداری هەڕەشەی ئاگرێکی گەورە دەکەن.

عێراق لە ژێر مەترسی ئەوەدایە کە زیاتر بکێشرێتە ناو ئەم ململانێیەوە. سەرەڕای هەوڵەکانی حکومەت بۆ ڕێگریکردن لە پەرەسەندنی گرژییەکان، کەچی هێرشە بەردەوامەکان - کە لە ناوەوە و دەرەوەی سنوورەکانی عێراقەوە سەرچاوە دەگرن، دەبنە هۆی پووچەڵکردنەوەی سەقامگیرییەکەی ئەم وڵاتە و دەستکەوتەکانی ساڵانی ڕابردوودا کە زۆر بە سەختی بەدەستهێنراون.

هەموو هەوڵەکانی نەتەوە یەکگرتووەکان جەخت لەسەر هەوڵی کۆتاییهێنان بە ململانێی غەززە و دوورکەوتنەوە لە بڵاوبوونەوەی ئەو ململانێیە لە ناوچەکەدا دەکاتەوە. سکرتێری گشتی نەتەوە یەکگرتووەکان چەندین جار داوای ئاگربەستی مرۆیی بەپەلەی لە غەززە و گەیاندنی فریاگوزاری بەردەوام و ڕێزگرتنی تەواو لە یاسا مرۆییە نێودەوڵەتییەکان، لەوانەش پاراستنی خەڵکی مەدەنی و ئازادکردنی بێ مەرجی سەرجەم بارمتەکان، کردووە.

سەقامگیریی و ئاسایشی عێراق لە هەموو پەیوەندییەکانماندا لە کارە لەپێشینە و گرینگەکانە. بانگەوازی خۆمان بۆ هەموو لایەك دووپات دەکەینەوە کە پێویستە ئەوپەڕی دانبەخۆداگرتن پەیڕەوبکەن.