وتاری دکتۆر موحەمەد ئەلحەسان ، نوێنەری تایبەتی سکرتێری گشتی نەتەوە یەکگرتووەکان و سەرۆکی نێردەی یونامی لە عێراق ، لە ڕێورەسمی ڕێزلێنان لە خوێندکارە سەرکەوتووە یەکەمەکان

پایە داران

خانمان و  بەڕیزان

سڵاو و ڕەحمەتی خواتان لێ بێت

لێرە ، لەم سەکۆیەوە سڵاوتان لێ دەکەم و سوپاسی یەکە بەکەشتان دەکەم بۆ ئامادە بوونتان

ڕێگام پێ بدەن ئەمڕۆ ، تۆزێک لە پرۆتۆکۆلی دیپلۆماتی دەر بچم و بە ناوی ئێوە سڵاوێک پێشکەش بەو خوێندکارە سەرکەوتووانە بکەم کە لە کاروانی خوێندیاندا نایاب و کۆششکەر و زیرەک بوون . و لە هەموو پارێزگاکانی عێراقەوە هاتوون بۆ ئێرە ، من بەو قوتابیانەی لێرە و بە ئەوانەش کە نەیانتوانیە بەشدار بن دەڵێم  " ئێوە ئایندەی ئەم وڵاتەن ، ئەم ئاهەنگێڕانەی ئەمڕۆ ئاهەنگێڕانە بە بۆنەی سەرکەوتن و بەشداریتان لێرە مایەی شانازییە بۆ عێراق ".

ڕێزلێنان لە قوتابیە سەرکەوتووەکان لە گشت پێکهاتەکان بە پێکهاتەی کەمینەکانیشەوە وەکو شەبەک و کریستیان و ئێزدی و کاکەیی و بەهائی و زەردەشتی و سابیئە مەندائییەکان و ئەوانی ترێش ،  بنەمای گشتگیریی دەچەسپێنێ و پەیامیێکی ڕوون و ئاشکراش دەربارەی یەکێتی عێراق و یەکسانی دەرفەتەکان دەگەیەنێت . لەهەمووش گرنگتر تیشک خستنە سەر ئەوانەیە کە لە بارودۆخی سەخت و دژواردا سەرکەوتن و توانیان نمونەی ئیلهام بەخش پێشکەش بکەن و بیسەلمێنن کە خۆڕاگڕی توانای هەیە سەرکەوتن دروست بکات .

 پایەداران ، وەزیر و ڕاوێژکارانی هێژا

میوانە  بەڕێزەکان

ئامادە بوونتان لێرە ، رێزلێنانێکە بۆ خۆی و سوپاسی یەکە بەکەتان دەکەم بۆ ئامادە بوون و تەرخانکردنی کات و ئەرکەکاانی بۆ ئەوەی لەم بۆنەیەدا لەگەڵمان بێت ، ئەمەش بەڵگەشە لەسەر پێزانینتان بۆ بەهرەکانی گەنجانی عێراق.

گردبوونەوەی ئەمڕۆمان ئاهەنگێڕانە بۆ عێراق ، عێراقی ئایندە و عێراقی سەرکەوتن

 خوێندکارانی ئازیز ، زانست کاروانێکی بەردەوامە ، بەخشینیش بە نیشتمان چاکەیەکی لە بن نەهاتووە و عێراقیش پێویستی بە توانا و بیری ئێوەیە . بەرەو پێش بڕۆن و هیچ دەرفەتێکی فێربوون و سەرکەوتن لەدەست مەدەن ، تا بەشدار بن لە خزمەتکردنی جڤاک و نیشتمانتان . داواتان لێدەکەم خواست و ویستەکانتان بە ئاراستەی سوود گەیاندن بە خۆتان و نیشتمانتان بێت .

ئەم ئاهەنگە ، لە سروشتی خۆیدا ئاهەنگێکی هێمادارە و پێزانین بە ناوی هەمووان بۆ هەمووان دەردەبڕێ. لە کۆتاییدا دەڵێم : با هەموومان بە بۆنەی دەستکەوتەکانی ئەم خوێندکارانە ئاهەنگ بگێڕین و بێگومان ئەوان دەبنە مایەی مسۆگەربوونی ئایندەیەکی گەش بۆ ئەم وڵاتە دێرینە – عێراق – بۆ ئەوەی بە ساغیی و دەوڵەمەندی و سەرکەوتویی و شکۆداری بمێنێتەوە . بەرەوە پێشەوە و بەو پەڕی تواناکانتان هەنگاو بنێن و بەردەوام ببنە سەرچاوەیەکی شانازی بۆ جڤاک و نیشتمانەکەتان . لێرەوە سەری ڕێز و نەوازش بۆ ئەم گردبوونەوە نایابە دەنەوێنم .

سوپاستان دەکەم