راهێنانى نیشتمانى بۆ عیراق لەسەر مافەکانى مرۆڤ لەسەر سنورەکان لە میانەى پرۆسەى ڕووبەڕووبونەوەى تیرۆر
راهێنانە سێ رۆژییەکە لەلایەن سەنتەرى نەهرەین بۆ لێکۆڵینەوەى ستراتیژى لە بەغدا میواندارى کرا
ئۆفیسى مافەکانى مرۆڤ لە نێردەى نەتەوە یەکگرتووەکان بۆ هاریکارى عیراق پێکەوە لەگەڵ ئۆفیسى ڕووبەڕوونەوەى تیرۆر لە نەتەوە یەکگرتووەکان و رێکخراوى کۆچى نێودەوڵەتى هەڵسان بە رێکخستنى " راهێنانى نیشتمانى بۆ عیراق لەسەر مافەکانى مرۆڤ لەسەر سنورەکان لە میانەى پرۆسەى ڕووبەڕووبونەوەى تیرۆر".
راهێنانە سێ رۆژییەکە لەلایەن سەنتەرى نەهرەین بۆ لێکۆڵینەوەى ستراتیژى لە بەغدا میواندارى کرا لە نێوان ١٥ بۆ ١٧ى شوباتى ٢٠٢٢. ئەم راهێنانە لە چوارچێوەى ئەو هەماهەنگییە بەردەوامەى کە ئێستا هەیە رێکخرابوو و پەرەشی پێدەدرێت لە نێوان ئۆفیسى ڕووبەڕوونەوەى تیرۆر لە نەتەوە یەکگرتووەکان و رێکخراوى کۆچى نێودەوڵەتى و ئۆفیسى کۆمیسیارى باڵاى مافەکانى مرۆڤ لە نەتەوە یەکگرتووەکان، هەروەها ١٧ بەشداربووى لە پلە بالاکان کۆکردەوە کە بەرپرسیاریەتیان هەبوو لە بوارى ئیدارەدانى پرسەکانى پەیوەست بە سنورەکانەوە.
ئامانجى راهێنانەکە بەهێزکردنى تواناکانى بەرپرسە نیشتمانیەکان بوو بۆ ئەوەى باشتر لەو بابەتە قوڵببنەوە و پێوەرە نێودەوڵەتییە دانپێدانراوەکان و پێوەرەکانى مافەکانى مرۆڤ و پرۆتۆکۆلەکان و رێنماییەکان جێبەجێ بکەن نەك تەنها بۆ دەستەبەرکردنی پاراستنى مافەکانى مرۆڤ لە کاتى قەدەغەکردنى جوڵە لە نێو سنورەکان بۆ کەسانى گومان لێکراو یان ناسراو وەك تیرۆریستان و جەنگاوەرە تیرۆریستە بیانیەکان بەڵکو بۆ ئاسایش و سەلامەتى کۆچى رێکخراویش.
نووسینی
Human Rights Office
ڕێکخراوە بەشداربووەکانی سەر بە نەتەوە یەکگرتووەکان لەم دەستپێشخەرییە
ئەو ئامانجانەی لە ڕێگای ئەم دەستپێشخەریەوە پشتگیریان لێدەکرێت
