لێدوانی ڕۆژنامەوانی

داهاتوویەکی سەوز بۆ عێراق - هەڵمەتی چاندنی دار لە سەرتاسەری وڵاتدا

٢٩ تشرینی دووەم ٢٠٢٣

بەغداد، عێراق – ٢٩ تشرینی دووەم ٢٠٢٣،  هاوتەریب لەگەڵ تێڕوانینی سەرۆک وەزیرانی عێراق بۆ پەرەپێدانی ژینگەیی، نەتەوە یەکگرتووەکان لە عێراق هەڵمەتێکی چاندنی دار لە سەرتاسەری وڵاتدا بە هەماهەنگی لەگەڵ وەزارەتی ژینگە و وەزارەتی کشتوکاڵ و شارەوانی بەغدا و فەرمانگەی میدیا و زانیاری حکومەتی هەرێمی کوردستان و هاوبەشەکانی دیکە دەست پێدەکات. ئەم هەوڵە ئامانجی چاندنی زیاتر لە ٥٠٠ هەزار درەختە لە سەرانسەری عێراقدا.

هەڵمەتەکە هەوڵێکی هاوبەشی نێوان ئاژانسەکانی نەتەوە یەکگرتووەکان و خۆبەخشانی گەنج و کەرتی تایبەتە. ئامانجی هەڵمەتەکە چارەسەرکردنی کێشەکانی گۆڕانی کەشوهەوا و باشترکردنی هەمەچەشنی بایۆلۆجی و باشترکردنی خۆشگوزەرانیی کۆمەڵگایە لە عێراقدا.

هەڵمەتەکە لە ناوچەی جیاواز لە عێراق جێبەجێ دەکرێت و هاوبەشیی بە کۆمەڵگەی ناوخۆیی، لەوانە قوتابخانە و ڕێکخراوەکانی گەنجان دەکات. ئەم هەڵمەتە فرە لایەنە تیشک دەخاتە سەر گرنگی هەنگاوی بە کۆمەڵ بۆ بەدیهێنانی ئامانجی نیشتمانیی چاندنی پێنج ملیۆن دار کە لە لایەن سەرۆک وەزیرانی عێراق محەمەد شیاع سودانیەوە دانراوە.

دەستپێشخەرییەکە هاوتایە لەگەڵ ئامانجەکانی پەرەپێدانی بەردەوام، بەتایبەتی ئامانجی ۱۳: کرداری کەشوهەوا و ئامانجی ۱۵: ژیان لەسەر زەوی، کە رەنگدانەوەی پابەندبوونی نەتەوە یەکگرتووەکان و هاوبەشەکانیەتی بۆ ئەم ئامانجانە.

بەڕێز غولام ئیسحاقزای، رێکخەری نیشتەجێی نەتەوە یەکگرتووەکان لە عێراق، جەختی لە گرنگی ئەم هەوڵە کردەوە و وتی: "ئەم هەڵمەتە نموونەی یەکگرتوویی و کاری بە کۆمەڵە لە کەمکردنەوەی کاریگەرییەکانی گۆڕانی کەشوهەوا و چارەسەرکردنی کێشە ژینگەییە بەپەلەکان. بە کۆکردنەوەی ئاژانسەکانی نەتەوە یەکگرتووەکان و وەزارەتەکانی حکومەت و کەرتی تایبەت و وزەی زیندووی گەنجانی عێراقی، ئێمە بە بەردەوامی بەرەو داهاتوویەکی بەردەوامتر و سەوزتر بۆ عێراق دەڕۆین. تێڕوانینی سەرۆک وەزیران هاندەرێکە بۆ گۆڕانکاری ئەرێنی و ئێمە شانازی دەکەین کە بەشێکین لەم هەوڵە."

Mohammed Al-Bahbahanee

موحه‌ممه‌د ئه‌لبه‌هبه‌هانى

به‌رنامه‌ی نه‌ته‌وه‌ یه‌كگرتووه‌كان بۆ په‌ره‌پێدان
پسپۆڕى په‌يوه‌ندييه‌كان

Sana Karwan

سندوقی نه‌ته‌وه‌ یه‌كگرتووه‌كان بۆ دانیشتوان
Communication & Partnerships Officer
team

زه‌ينه‌ب ساڵح

RCO
به‌رپرسى په‌يوه‌ندييه‌كان

ڕێکخراوە بەشداربووەکانی سەر بە نەتەوە یەکگرتووەکان لەم دەستپێشخەرییە

RCO
United Nations Resident Coordinator Office
به‌رنامه‌ی نه‌ته‌وه‌ یه‌كگرتووه‌كان بۆ په‌ره‌پێدان
به‌رنامه‌ی نه‌ته‌وه‌ یه‌كگرتووه‌كان بۆ په‌ره‌پێدان
سندوقی نه‌ته‌وه‌ یه‌كگرتووه‌كان بۆ دانیشتوان
سندوقی نه‌ته‌وه‌ یه‌كگرتووه‌كان بۆ دانیشتوان

ئەو ئامانجانەی لە ڕێگای ئەم دەستپێشخەریەوە پشتگیریان لێدەکرێت