یونامی نیگەرانی خۆی لە ڕاپۆرتەکانی هێرشکردنە سەر کرێکارانی سوری لە عیراق دەردەبڕێت، دەستخۆشی لە کارە دەستبەجێ و بەپەلەکانی حکومەتی عیراقیش دەکات

یونامی دەستخۆشی لە بەڕێز محمەد شیاع سودانی، سەرۆك وەزیران، دەکات بۆ ئیدانەکردنی ئەم جۆرە هێرشانە و دەستخۆشی لە بڕیارەکەی حکومەتی عیراق دەکات بۆ پێکهێنانی تیمێکی ئەمنی تایبەتمەند بۆ بەدواداچوون و دەستگیرکردنی  ئەنجامدەرانی ئەو جۆرە هێرشانە، کە بریتیە هێرش کردنە سەر شکۆی مرۆڤ و هەروەها پێشێلکردنی مافەکانی مرۆڤ و یاسا کارپێکراوەکانی عیراقە.

نێردەی نەتەوە یەکگرتووەکان بۆ هاریکاریی عیراق (یونامی) داوا لە هەموولایەك دەکات پابەندی یاسا بن و حیکمەت بەکاربهێنن و دووربکەونەوە لە قسەی ڕق و کینە و هەروەها سەقامگیری لە چوارچێوەی عیراقێکی ئەمیندا بهێننە کایەوە کە لەگەڵ نێوخۆ و دەوروبەریدا ئاشتی بپارێزێت.