ئۆفیسی مافەکانی مرۆڤی یونامی دیالۆگێک سەبارەت بە ئازادی ڕادەربڕین و پاراستنی ڕۆژنامەنووسان لە هەرێمی کوردستان ڕێکدەخات
ئۆفیسی مافەکانی مرۆڤی نێردەی نەتەوە یەکگرتووەکان دیالۆگێکی تایبەت بە ئازادی ڕادەربڕین و پاراستنی ڕۆژنامەنووسان لە هەرێمی کوردستانی عێراق ڕێکخست.
هەولێر، 7ی نیسانی 2025- ئۆفیسی مافەکانی مرۆڤی نێردەی نەتەوە یەکگرتووەکان بۆ هاریکاریی عێراق (یونامی) دیالۆگێکی تایبەت بە ئازادی ڕادەربڕین و پاراستنی ڕۆژنامەنووسان لە هەرێمی کوردستانی عێراق ڕێکخست. لە چالاکییەکەدا نوێنەرانی ڕێکخراوەکانی ڕۆژنامەنووسان و دەزگاکانی ڕێکخستنی میدیا و کۆمەڵگەی مەدەنی و دەستەی سەربەخۆی مافەکانی مرۆڤ-هەرێمی کوردستان ئامادەبوون. بەشداربووان باسیان لە نیگەرانییە سەرەکییەکان و ئەو پرس و ئاستەنگانە کرد کە دێنە بەردەم ڕۆژنامەنووسان و کارمەندانی ڕاگەیاندن و توانایان بۆ ئەنجامدانی بەرپرسیارێتییە پیشەییەکانیان سنوردار دەکەن، ئەمەش لەگەڵ ڕەچاوکردنی سنووردارنەکردنی ناڕەوا بۆ مافی ئازادی ڕادەربڕین.
جێبەجێکردنی کاریگەرانەی ‘یاسای ڕۆژنامەگەری لە هەرێمی کوردستان’ (یاسای ژمارە 35ی ساڵی 2007) و ڕۆڵی دەسەڵاتی دادوەری لە پاراستنی ڕۆژنامەنووسان لە کۆت و بەندی وەک ڕێگریکردني ڕووماڵکردنی میدیاکان و گرتن و دەستبەسەرکردن و ڕیکارە یاساییەکان وەک ڕێوشوێنی سەرەکی بۆ بەرزکردنەوەی پاراستنی ئازادی ڕادەربڕین لە هەرێمی کوردستانی عێراقدا باسیان لێوەکرا.
بەشداربووان جەختیان لە گرنگی بەهێزکردنی دیالۆگ لە نێوان لایەنە پەیوەندیدارە سەرەکیەکان کردەوە، لە نێویاندا هێزە ئەمنییەکان بۆ بەرەوپێشبردنی ڕێزگرتن لە ئازادی ڕادەربڕین و بەرزکردنەوەی پاراستن بۆ ڕۆژنامەنووسان و کارمەندانی ڕاگەیاندن، لەوانەش ڕێوشوێنی یاسایی بۆ بەهێزکردنی فەزای مەدەنی و دیموکراسی لە هەرێمی کوردستانی عێراق.
ڕێکخراوە بەشداربووەکانی سەر بە نەتەوە یەکگرتووەکان لەم دەستپێشخەرییە
ئەو ئامانجانەی لە ڕێگای ئەم دەستپێشخەریەوە پشتگیریان لێدەکرێت
