نوسینگەى هەرێمى رۆژهەڵاتى ناوەڕاست و باکورى ئەفریقیا و ئۆفیسى مافەکانى مرۆڤى يونامى گفتوگۆیەکى ئۆنلاینيان بۆ ئاهەنگێڕان بە رۆژى جیهانى ژنان ئه‌نجامدا

ناوچەى عەرەبی، 23-24 ى مارس / ئازار 2021 رۆڵى ژنانى داکۆکیکار لە مافەکانى مرۆڤ ، و سەرکردایەتى ژنان لە نەهێشتنى کۆڤید – 19 تەوەرى گفتوگۆیەکى ئۆنلاین بوو بۆ ئاهەنگێڕان بە رۆژى جیهانى ژنان، کە رێکخرا بوو لە لایەن ئۆفیسى نەتەوە یەکگرتوەکان بۆ کاروبارى ژنان، کۆمیسیۆنەرى باڵاى مافەکانى مرۆڤ، نوسینگەى هەرێمى رۆژهەڵاتى ناوەڕاست و باکورى ئەفریقیا، بە بەشدارى نێردەى نەتەوە یەکگرتوەکان بۆ هاوکارى کردنى عیراق( یونامى ) لەم بۆنەیەدا 19 کەس بەشدار بوو کە دوو رۆژى خایاند کە لە هەموو ناوچەى عەرەبی بوون و ئەزموون و بیرو راى خۆیان ئاڵ و گۆڕ کرد سەبارەت بە کاریگەرى کۆڤید -19 لە سەر پاراستن و بەهێزکردنى مافەکانى ژنان، و کارى داکۆکیکارانى ژن لە بوارى مافەکانى مرۆڤ وە ژنان لە هەموو ناوچەکە.

ئۆفیسى مافەکانى مرۆڤى نێردەى نەتەوە یەکگرتوەکان بۆ هاوکارى کردنى عیراق ( یونامی ) تیشکى خستە سەر رۆڵى زیندووى ژنانى عیراقى لە قەڵاچۆکردنى کۆڤید-19 وەک ئەندام لە کەرتى چاودێرى تەندروستى، وە بوارى گشتى و لە کاتى پەتایەکەو بەهاوکارى لەگەڵ هونەرمەندان و خۆبەخشانى گەنجى عیراقى، ئۆفیسى مافەکانى مرۆڤى نێردەى نەتەوە یەکگرتوەکان بۆ هاوکارى کردنى عیراق هەڵسا بە ئەنجامدانى کەمپینێک بە بەکارهێنانى وێنەى رونکراوەیى وە وێنەى سەر دیوار و کارتى پۆستە کە لە رێگەى تۆڕە کۆمەڵایەتیەکانەوە بڵاوکرایەوە بۆ تیشک خستنە سەر کاریگەرى نیگەتیڤى ڤایرۆسى کۆڤید-19 لەسەر مافەکانى مرۆڤ وە پێویستى رەچاوکردنى رێنماییەکانى کەرتى تەندروستى.

کۆڤید-19 و ئاسەوارەکانى، لە نێویشیاندا زیادبوونى پەراوێزخستن و فەرامۆش کردن، تیشکیان خستە سەر پەتایەکەو توندو تیژى خێزانى لە عیراق وە پێویستى پاراستنى رزگاربوان بە یاسا. لە ساڵى 2020 ژمارەیەکى زیاترى توندوتیژى خێزانى ریپۆرت کرا بۆ یەکەى پاراستنى خێزانى پۆلیسى عیراق بە بەراورد لەگەڵ ساڵى 2019. بۆ ئەوەى هانى ئەو گفتوگۆ بەردەوامە بدات لە عیراق سەبارەت بە بەتاوان ناساندنى توندوتیژى خێزانى و بەرەسمى کردنى سیستەمێکى پاڵپشتیى کارا بۆ رزگاربوان وە لێپرسینەوەش لەگەل ئەنجام دەرانى ئەو تاوانانە بکرێت کە لەناو مال ئەنجامیان داوە، ئۆفیسى مافەکانى مرۆڤ لە یۆنامى هەڵسا بە بەرهەم هێنى کورتە فیلمێک بە ناوى (شکاندنى بێدەنگى).