نووسينگه‌ى مافى مرۆڤى يونامى و سه‌كۆى رۆژنامه‌نووسى ژنان به‌رنامه‌ى راهێنان بۆ راهێنه‌ران ئه‌نجام ده‌ده‌ن له‌سه‌ر شێوازى راپۆرتدانى به‌ند له‌سه‌ر بنه‌ماى جێنده‌ر و مافى مرۆڤ

هەولێر – 21 تشرینی دووەم: نووسینگەی مافەکانی مرۆڤی یونامی بە هاوکاری سه‌كۆى رۆژنامه‌نووسى ژنان کۆتایی بە پرۆگرامێکی چوار ڕۆژەی ڕاهێنانی ڕاهێنەران هێنا لەسەر "شێوازی ڕاپۆرت  ئامادەکردن لەسەر بنەمای جێندەر و مافەکانی مرۆڤ" بۆ [19] ژنی ڕۆژنامەنووس و گەنجانی کاریگەر و بلۆگەرەکان.ئەم وۆرك شۆپە پراکتیکییە تیشکی خستە سەر  چەمکەکانی جێندەری سەرەکی و جێبەجێکردنی رێبازێکی پشتبەست بە مافەکانی مرۆڤ لەکاتی ئامادەکرنی راپورتدا و زیادکردنی سەلامەتی لە سەر هێڵی ئینتەرنێت و دەرەوەی هێڵی ئینتەرنێت لەنێو بابەتەکانی دیکەدا.

دانیێل بێڵ سەرۆکی نووسینگەی مافەکانی مرۆڤی یۆنامی لە کۆتاییدا وتی: “هەڵمەتە نەرێنییەکانی سۆشیال میدیا کە هێرش دەکەنە سەر ناوبانگی ژنان، کار و ئاسایشی ژنان تێکدەدەن” ئاماژەی بەوەشکرد “ئەم خولە ڕۆڵێکی گرنگی هەبوو لە باشترکردنی توانا و زانیاری ژنان”. بۆ ئەوەی ڕۆژنامەنووسان بە شێوەیەکی سەلامەت وپرۆفێشنالانە ڕاپۆرت لەسەر مافەکانی مرۆڤ لە عێراق پێشکەش بکەن”.

لە مانگی ئەیلولەوە تا مانگی تشرینی دووەم نووسینگەی مافەکانی مرۆڤی یونامی و کۆڕبەندی ژنانی ڕۆژنامەنووسانی عێراق ١٨ دانیشتنی ئۆنلاینیان لەگەڵ ژنانی ڕۆژنامەنووس و گەنجانی کاریگەر و بلۆگەرەکانی لە تەواوی  18 پارێزگای عێراق ئەنجامدا بۆ ئەوەی باشتر لە نیگەرانییەکانی مافەکانی مرۆڤی جیاوازی جێندەریان و پێداویستی تایبەتیان تێبگەین.

ئەم پڕۆژەیە لەلایەن نووسینگەی کۆمیساری باڵای مافەکانی مرۆڤی نەتەوە یەکگرتووەکانەوە لەژێر دەستپێشخەریی "پاڵپشتی جیهانی بۆ ئازادی میدیا و دەستڕاگەیشتن بە زانیاری و سەلامەتی ڕۆژنامەنووسان" سپۆنسەر کرابوو.