عێراق و نەتەوە یەکگرتووەکان کۆبوونەوەی لێژنەی تەکنیکیی هاوبەش سەبارەت بە چوارچێوەی هاوکاریی 2025- 2029 ئەنجام دەدەن

بەڕێز غولام ئیسحاقزای، جێگری نوێنەری تایبەتی سکرتێری گشتی نەتەوە یەکگرتووەکان و هەماهەنگیکاری نیشتەجێ و هەماهەنگیکاری مرۆیی، دەسخۆشی لە کۆبوونەوەکە کرد کە بەمەبەستی ئەنجامدانی پێداچوونەوە بە پێشڤەچوونەکانی "چوارچێوە" کە بۆ ساڵەکانی 2025-2029 ئەنجام دراوە کە لەگەڵ کارەلەپێشینەکانی "پلانی گەشەپێدانی نیشتمانی"شدا یەکدەگرێتەوە. ئەو هەروەها دەسخۆشی لە هاوبەشکاریی نێوان تیمی وڵاتی نەتەوە یەکگرتووەکان و دامودەزگاکانی عێراق و ڕێکخراوەکانی کۆمەڵگەی مەدەنی و هاوبەشکارانی جیهانیی گەشەپێدان کرد لە پەرەپێدانی "چوارچێوە" کە.  ئەو لەمبارەوە وتی "ئەم کۆبوونەوە گرینگە بۆ قسەکردن سەبارەت بە ئامانجەکانی گەشەپێدان و هەنگاونان بەرەو بەدیهێنانی ئامانجە درێژخایەنەکانی گەشەپێدان."

لای خۆشیەوە، دکتۆر ماهیر حەمەد جۆهان، بریکاری وەزارەتی پلاندانان بۆ کاروباری تەکنیکی ، وتی "مەبەست لە چوارچێوەی هاوکاری لە گەڵ نەتەوە یەکگرتووەکان دانانی چوارچێوەی پلاندانانی ستراتیژی ئاستبەرز و هەمەساڵەیە بۆ ڕێنموونی کردنی کاری پێکەوەیی لەگەڵ رێکخراوەکانی نەتەوە یەکگرتووەکاندا. مەبەستێکی تریش بریتییە لە دامەزراندنی هاوبەشکاریی گشتگیرانە لەنێوان حکومەت و نەتەوە یەکگرتووەکاندا بۆ ڕوونکردنەوەی میکانیزمی هاوکاری بۆ کارە لەپێشینەکانی پلانی گەشەپێدانی نیشتمانی بە چەقخستنەسەر کارنامەی 2030 و ئامانجی درێژخایەنی گەشەپێدان. "

ئەم جۆرە هاوبەشبوونە لەوپەڕی گرینگیدایە بەو پێیەی تێچوونەکان سەبارەت بە دیکۆمێنتەکە دەبێتە مایەی بەهێزکردنی هاوبەشکاری لەنێوان حکومەتی عێراق و نەتەوە یەکگرتووەکاندا و هەروەها ڕەنگدانەوەی کارە لەپێشینەکان و ئارەزووەکانی عێراقیشە و هەروەک چۆن زانیاری بە هاوبەشکارە جیهانییەکانی گەشەپێدانیش دەدات.