بەرەو کۆمەڵگایەکی بەهێزتر و گشتگیرتر، نەتەوە یەکگرتووەکان باس لە رۆڵی ژنان دەکات لە ئایندەی عێراقدا

بەغدا، ١٥ی ئاداری ٢٠٢٥:- بەڕێز کلۆدیۆ کۆردۆنی، جێگری نوێنەری تایبەتی سکرتێری گشتی نەتەوە یەکگرتووەکان بۆ کاروباری سیاسی و هاریکاریی هەڵبژاردن، ئامادەی "دیداری ژنانی عێراق و کۆمەڵگەی مەدەنی: سەرکردایەتی و کاریگەری: ئایندەیەک بەرەو درێژەپێدان و داهێنان" بوو کە لە لایەن سارا ئەیاد عەلاوی، ڕاوێژکاری رێکخراوەکانی کۆمەڵگەی مەدەنی بۆ جەنابی محەمەد شیاع سودانی، سەرۆک وەزیرانی عێراقەوە رێکخرابوو کە تێیدا هەروەها بەڕێز ئەیاد عەلاوی، سەرۆک وەزیرانی پێشووتری عێراقیش هەر ئامادەبوو.

لە وتارەکەیدا، وێڕای تیشکخستنەسەر گرینگیی گردبوونەوە، بەڕێز کۆردۆنی وتی "دەنگی ئێوە وەک رێکخراوی کۆمەڵگەی مەدەنی و نوێنەران و دەستپێشخەران لەم دیدارەدا لەوپەڕی گرینگیدایە."

ئەو هەروەها وتیشی کە نەتەوە یەکگرتووەکان هەم پشتگیری لە کارەکانی ڕێکخراوەکانی کۆمەڵگەی مەدەنی دەکات و هەم سوپاسیشیان دەکات بەرەو پاراستن و پەرەدان بە مافەکانی ژنان و بەهێزکردنی ڕۆڵیان لە ژیانی گشتیدا.

ئەو هەروەها دانی نا بەو دەسکەوتانەش کە لەلایەن ژنانی عێراقەوە خۆیان بەدیهاتوون لە کارکردن بۆ مافی یەکسان و بەشداریی یەکسان لە ژیانی گشتیی وڵاتدا لەگەڵ بە زەقی باسکردنی ئاڵنگاری و دەرفەتەکانیش و جەختکردنەوەی لەسەر بەردەوامیی هاوکاریی نەتەوە یەکگرتووەکانیش.

ئەو لە کۆتاییدا وتی "من لەو باوەڕەدام کە هەموومان کۆکین لەسەر ئەوەی کە هەر کەس لە گەشەپێدانی مافی ژنان و بەشداریی یەکسانانەیان لە عێراق بەهرەمەند دەبێت بەوپێیەی کە وڵات درێژە بەدروستکردنەوەی ڕێگایەکەی دەدات لە بەرەوپێشچوون بۆ کۆمەڵگایەکی بەهێزتر و گشتگیرتر." 
 

تەواوی وتارەکە بەردەستە لە:
  https://bit.ly/3Fu9qkG