بەغداد 16 ئۆكتۆبەری 2021 – ئەمڕۆ لە ڕۆژی جیهانی خۆراكدا، ڕێكخراوی خۆراك و كشتوكاڵی سەر بە نەتەوە یەكگرتووەكان (FAO) و و سندوقی نێودەوڵەتی بۆ پەرەپێدانی كشتوكاڵیی (IFAD) و بەرنامەی خۆراكی جیهانی (WFP) پابەندبوونی خۆیان نوێكردەوە بۆ یارمەتیدان لە چاكسازیكردنی سیستەمەكانی خۆراك لە عێراقدا و بانگەوازكردن بۆ چارەسەركردنی كەمیی ئاو و گۆڕانی كەش و هەوا.
٢١ ئۆکتۆبەر ٢٠٢١ - بەسڕە-تێکچوون و نالەباربوونی ژینگە لەماوەی ١٠ ساڵی ڕابردوودا زۆر بەخراپی کەرتی کشتوکاڵی لە عێراق دا داڕماندووە. خراپبوونی ئاو لە ڕووی بڕ و کوالێتیەوە وایکردووە ئەم کەرتە نەتوانێت بەپێی پێویست و بەشێوەیەکی جێگیر و بەردەوام پاڵپشتی کاروکاسبی بژێوی ژیان پەیداکردن بکات، بەتایبەتی لە ناوچە لادێییەکان دا کە شوێنی سەرەکی هێزی کاری خاوەنکاران بووە.
ئەندامانی ئەنجومەنی ئاسایش پیرۆزباییان لە گەلی عیراق و حکومەتی عیراق کرد بەبۆنەی هەڵبژاردنەکان کە لە بەرواری ١٠ی تشرینی یەکەمی ٢٠٢١ ئەنجامدرا. ئەندامانی ئەنجومەنی ئاسایش پێشوازییان لەو هەواڵانە کرد کە باسیان لە باش بەڕێوەچوونی هەڵبژاردنەکان دەکرد و هەروەها ئەم هەڵبژاردنە بەرەوپێشچوونێکی زۆرباشی بەخۆوە بینیبوو لە لایەنی تەکنیکی و بەڕێوەچووندا بە بەراورد لەگەڵ هەڵبژاردنەکانی پێشووتری عیراق.
27 ی تشرینی یەکەمی 2021؛ هەولێر، هەرێمی کوردستانی عێراق – سندوقی نەتەوە یەکگرتووەکان بۆ دانیشتوان و وەزارەتی کار و کاروباری کۆمەڵایەتی و وەزارەتی ڕۆشنبیری و لاوانی حکومەتی هەرێمی کوردستان پڕۆژەی کارامەیی بەرپرسیارێتیی کۆمەڵایەتی بۆ گەنجانی دەستپێشخەر لە هەولێر دەست پێ کرد. پڕۆژەکە لەسەر بنەمای سەرکەوتنی پڕۆگرامی "گۆشەی پرتەقاڵی لە هەولێر" بوو کە لەلایەن MSelectوە و بە پشتیوانی شانشینی هۆڵەندا جێبەجێ کراوە.
بەغدا، ٢٧ی تشرینی یەکەمی ٢٠٢١ – نێردەی نەتەوە یەکگرتووەکان بۆ هاریکاری عیراق (یونامی) بە توندی ئیدانەی هێرشەکەی شەوی سێشەممە لە دیالە دەکات، کە بووە هۆی کوژران و برینداربوونی چەندان کەس. نێردەی نەتەوە یەکگرتووەکان هاوخەمی خۆی بۆ خانەوادەی قوربانییەکان دەردەبڕێت و هیوای زوو چاکبوونەوەش بۆ بریندارەکان دەخوازێت.
بەغداد – بەرنامەی خۆراكی جیهانی (WFP) كۆمەكێكی 1 ملیۆن دۆلاری وەرگرت لە لایەن كۆماری كۆریاوە، بۆ پاڵپشتیكردنی هاوكارییە خۆراكییەكانی بەرنامەی خۆراكی جیهانی بۆ زیاتر لە 327000 ئاوارەی ناوخۆیی و پەنابەرانی سووری كە لە كەمپەكاندا دەژین، تاكو كۆتایی ساڵ.
هەولێر، 4ی تشرینى دووەم 2021- بەرنامەى نەتەوە یەکگرتووەکان بۆ پەرەپێدان لە عێراقدا، بە هەماهەنگى لەگەڵ بەڕێوەبەرایەتی ڕێکخراوە ناحکومیەکان لە سکرتاریەتی گشتی لە ئەنجومەنی وەزیرانی عێراقیدا، بەرنامەی بنیادنانی توانستی ڕێکخراوەکانی کۆمەڵگای مەدەنی بەگەڕ خست، بە بەشداری 60 ڕێکخراوی ناوخۆیی بۆ پێشکەشکردنی پشتیوانی بۆیان لە دیزاینکردن و جێبەجێکردنی بەرنامە و دەستپێشخەرى پێویست بۆ ڕێگریکردن لە توندڕەوی و توندوتیژ لە عێراقدا.
بەغدا، ٧ی تشرینی دووەمی ٢٠٢١ – نێردەی نەتەوە یەکگرتووەکان بۆ هاریکاری عیراق (یونامی) بە توندترین شێوە ئیدانەی هەوڵی کوشتنی سەرۆك وەزیران، موستەفا کازمی، دەکات. نێردەی نەتەوە یەکگرتووەکان دڵخۆشی خۆی دەردەبرێت بەوەی کە سەرۆك وەزیران سەلامەت دەرچوو لە هێرشە بە دڕۆنەکەی سەر شوێنی حەوانەوەی لە بەغدا.
