گەڕان

بەغدا،عێراق ١٥ ی حوزەیرانی ٢٠٢٢- ئەمڕۆ بەرنامەی نەتەوە یەكگرتوەكان بۆ پەرەپێدان بەهاوبەشی لەگەڵ لیژنەی دیالۆگ وئاشتی كۆمەڵایەتی لە نووسینگەی سەرۆك وەزیران ئاهەنگی بۆنەی ڕۆژی دیالۆگ وئاشتی عێراقی لەبەغدا ڕێکخست، كە ئامانجی لێى بەرزنرخاندنی فرەییە ناوازەکەی کۆمەڵگاى عێراقییە.

17 یونیوی 2022 بەغداد – لە كاتێكدا عێراق ڕووبەڕووی ئالنگاری هەمەجۆر بووەتەوە، خراپتر و گەورەتر بووەتەوە بە هۆی گۆڕانی كەش و هەواوە، لەوانەش شەپۆلە گەرمیی درێژخایەن، كەمبوونەوەی بارانبارین، لەدەستدانی زەوی بەپیت، بە خوێبوون (زیادبوونی ڕێژەی خوێ لە زەویدا)، كەمیی وەبەرهێنان لە ژێرخاندا، كەمبوونەوەی ئاوە سنوورییەكان و زیادبوونی زریانە خۆڵینەكان. لە كاتێكدا نەتەوە یەكگرتوەەكان و ڕێكخراوە ناحكومییەكان لە عێراق، ڕۆژی بەرەنگاربوونەوەی بەبیابانبوون و وشكەساڵی یاد دەكەنەوە، بانگەوازی كاركردن  دەكەن بۆ پاراستنی وڵات لە كاریگەرییە وێرانكەرەكان.

هەولێر، هەرێمی کوردستان، ١٩ی حوزەیرانی ٢٠٢٢- ئەمڕۆ بەرنامەی نەتەوە یەکگرتووەکان بۆ پەرەپێدان و دەستەی دەسپاکی هەرێمی کوردستانی عێراق یاداشتنامەی لێکتێگەیشتنیان بۆ بەهێزکردنی چوارچێوەی یاسا و ستراتیژییەکانی هەرێمی کوردستانی عێراق بۆ بەرەنگاربونەوەی گەندەڵی نوێکردەوە و هەروەها بۆ بەرزکردنەوەی توانای لێکۆڵینەوەکانیان بەگوێرەی بنەما و ستانداردە نێودەوڵەتییەکان.

28ی حوزەیرانی 2022؛ هەولێر، هەرێمی کوردستانی عێراق - وەزارەتی پلاندانان و فەرمانگەی ئاماری هەرێمی کوردستان و سندوقی نەتەوە یەکگرتووەکان بۆ دانیشتوان ئەمڕۆ ئەنجامی دووەمین ڕووپێوی بارودۆخی کۆمەڵایەتی و تەندروستیی ژنانی عێراقی لە هەرێمی کوردستان ڕاگەیاند، کە بە هاوکاری وەزارەتی پلاندانانی حکومەتی فیدراڵی و دەستەری ئاماری ناوەند و پاڵپشتی دارایی حکومەتی سوید ئەنجام دراوە.

بەغدا، عێراق، 29 حوزەیران 2022 – ئەمڕۆ پرۆژەیەکی نوێ راگەیەنرا بۆ خێراکردنیئەو ڕێكارانەی كە گیراونەتەبەر بۆ بەرەنگاربوونەوەی گۆرانكارییەكانی كەش وهەوا لە عێراقدا، بە هاوبەشیی لەنێوان بەرنامەی نەتەوە یەکگرتووەکان بۆ پەرەپێدان و وەزارەتی ژینگە و بە كۆمەكییەكی داریی دەستكراوە لە لایەن شانشینی یەكگرتووی بەریتانیا و کەنەدا.