وتاری دەسپێکی بەڕێز غولام ئیسحاقزای، جێگری نوێنەری تایبەت و رێکخەری نیشتەجێ و ڕێکخەری کاروباری مرۆیی، لە کۆنفرانسی "با قسە بکەین"

هەموو ساڵێک, ئاژانسەکانى سەر بەنەتەوەیەکگرتوەکان لەگەڵ هاوبەشەکانى یادی 16 ڕۆژی پڕلەچالاکی دەکەنەوە, ئەم چالاکیانە لە ڕۆژی نێودەوڵەتی کۆتایهێنان بە توندوتیژی لە دژی ژنان لەبەرواری 25 ى نۆڤێمبەر دەست پێدەکات و لە ڕۆژی مافی مرۆڤ لەبەرواری 10ی دیسەمبەر کۆتایی دێت.

ئەم چالاکیانە لەچوارچێوەی دەستپێشخەریەک بەناونیشانی  یەکبگرن کە لەلایەن سکرتێری گشتی نەتەوەیەکگرتوەکانە دەستی پێکردوە بۆ کۆتایهێنان بە توندوتیژی لەسەر بنەمای جێندەر بەردەوام دەبێت تا ساڵی 2030.

توندوتیژی لەدژی ژنان وەک بەربەرستێکی سەرەکی دادەنرێت کە ڕێگرە لە گەشەپێدانی کۆمەڵگا و بەرەوپێشچوونى دۆخی ژنان بەشێوەیەکی گشتی.

لە عێڕاقدا, دیاردەی زوو بەشوودانی کچان و هاوسەرگیری پێشوەختەى منداڵان هێشتا دیاردەیەکی باوە و ڕێژەکەی دەگاتە %25.

زۆر گرنگە پیاوان و کوڕان بەشدار و کارا بن لە هەمووئەو چالاکیەکانی کە پەیوەندیان بە یەکسانی جێندەری و بەهێزکردنی ژنان و کچانەوە هەیە.

ئەمڕۆ, جەخت دەکەینەوە کەوا:

- پەسەندکردنی ستراتیژیەتێکی گشتگیر بۆ کۆتاییهێنان بە وێنەی نەمتى جیاکاریکردن و هەردیاردەیەکی دیکە زیانبەخش وەک هاوسەرگیری پێشوەختە و منداڵان ئەویش لە ڕێگەی بەرزکردنەوەى ئاستی هۆشیاری و گرنگیدان بە پەروەردە.

- هەڵوێست وەرگرتن بۆ کۆتاییهێنان بە جیاکاریکردن لەسەر بنەمای تێگەشیتنی هەڵە و باو و جیاکاریکردن لەدژی ژنان و کچان کە سەر گروپە ئیتنیە کەمایەتیەکانن و جیاکاریکردن لە ڕێگەى مەنهەجی خوێندن و کتێبەکانی قوتابخانە.

- هەڵوێست وەرگرتن بۆ خێراکردنی پەسەندکردنی ڕەشنووسی یاسایەک بۆ پاراستنی ژنان و کچان لەتوندوتیژی خێزانی.

- دڵنیابوونەوە لە دابینکردنى شێڵتەری ژنان بۆ ئەوانەى کە قوربانی و ڕزگاربووی توندوتیژین لەناوچەکانیان, بەهێزکردنى خزمەتگوزاری و هاوکاریە پزیشکی و دەرونیەکان بۆ قوربانیان, دابینکردنى ڕاوێژکاری و خزمەتگوزاریەکانی توانابەخشی, دڵنیابوونەوە لەوەى ئەو خزمەتگوزاریانە بەردەستن و بوجەى تایبەتیان بۆ تەرخان دەکرێت.

- هەڵوێست وەرگرتن و دڵنیابوونەوە لەکۆکردنەوەى هەموو ئەو داتایانەی کە تایبەتن بە توندوتیژی لەسەر بنەمای جێندەر و توندوتیژی لەدژی ژنان.

- کۆتاییهێنان بە توندوتیژی لەسەر بنەمای جێندەر بەرپرسیارێتی هەموو لایەکە, ئێمە داوا لە هەمووان دەکەین کە هەڵوێست وەرگرتن بۆ ئەونیگەرانیانەی کە ژنان و کچان هەیانە وە کرداری پێویست بگیرێتە بەر بۆ کۆتاییهێنان بە توندوتیژی.

ڕێگریکردن لە توندوتیژی بەرپرسیارێتیەکە لە ئەستۆی هەموو تاکێک و هەموانە.