گەڕان

سۆلاغ، شنگال – لە کاتێکدا کۆمەڵگەی ئێزیدی لە عێراق خەریکی بنیاتنانەوەی ژیانی خۆیانن لە دوای جینۆساید، دروستکردنی گۆڕستان و مۆنیومێنتێک لە سۆڵاغ، شنگال، بە شێوەیەکی فەرمی دەستی پێ کرد. پرۆژەکە لە سالی ٢٠٢١ و  لەسەر داواکاریی کۆمەلگەی ئێزیدی لەلایەن دەستپێشخەریی نادیەوە ڕاگەیەنرا. دەستپێشخەریی نادیە ماوەی دوو ساڵە خەریکی دیزاینکردنی گۆڕستان و مۆنیومێنتەکەیە بە هەماهەنگی لەگەڵ ئەندامانای کۆمەڵگەکە و ئەندازیارێکی ئێزیدی. ئەم حەفتەیە، پرۆسەی دروستکردن بە فەرمی و بە پاڵپشتیی ڕێکخراوی نێودەوڵەتی کۆچ لە عێراق و ئاژانسی پەرەپێدانی نێودەوڵەتیی حکوومەتی ویلایەتە یەکگرووەکانی ئەمەریکا، دەستی پێ کرد.

لەوەتەی ساڵی ٢٠١٧، ڕێکخراوی نێودەوڵەتی کۆچ لە عێراق هاوکاریی پێشکەش بە زیاتر لە ١٥،٠٠٠ خانەوادە کردووە لەڕێگەی کۆمەکیی خانووبەرە و نیشتەجێبوون لە سەرتاسەری عێراق، بە پشتیوانیی خەڵکی ئەمەریکا و حکوومەتی ویلایەتە یەکگرتووەکانی ئەمەریکا. ئەمڕۆ بەیانی ڕێکخراوی نێودەوڵەتی کۆچ ڕێوڕەسمێکی ڕێک خست لە زانکۆی کاسۆلیکی هەولێر بۆ ئاهەنگگێڕان بەم بۆنەیەوە، کە دوای پێنج سال لە چاکردنەوە و نۆژەنکردنەوە و دووبارە دروستکردنەوەی خانووبەرە و لادان و دووبارە بەکارهێنانەوەی پاشماوەی خانوو و باڵەخانە ڕووخاوەکان؛ هەروەها پاڵپشتیی یاسایی بۆ خانووبەرە و زەوی و موڵک، و کۆمەکیی نیشتەجێبون لە نشینگە نافەرمییەکان بە دەست هاتووە.