کەمکردنەوەی نایەکسانییەکان و دڵنیابوون لەوەی کە هیچ کەسێک  بەجێنەماوە ،  بەشێکی دانەبڕاوە لە بەدیهێنانی ئامانجەکانی گەشەپێدانی بەردەوام. نایەکسانیەکان لە ناوخۆی وڵاتان  و لە نێوانیشیاندا هۆکارێکی بەردەوامی نیگەرانییەکانە. سەرەڕای بوونی چەند ئاماژەیەکی ئەرێنی بە ئاراستەی کەمکردنەوەی نایەکسانی لە چەند ڕەهەندێکدا ، وەک کەمکردنەوەی نایەکسانی ڕێژەیی داهات لە چەند وڵاتێکدا و  کەمکردنەوەی باری بازرگانی جیاکاری کە بە قازنجی وڵاتانی کەم دەرامەت  دەشکێتەوە ، بەڵام نایەکسانی هێشتا هەر بەردەوامە.

پەتای کۆڤید- ١٩ نایەکسانی قوڵتر کردەوە و  کاریگەری زیاتری بەسەر کۆمەڵگا هەژارو لاوازەکان جێهێشت . ئەم پەتایە تیشکی خستە سەر نایەکسانی ئابوریی و  تۆڕە لەرزۆکەکانی دەستەبەری کۆمەڵایەتی  کە کۆمەڵگە لاوازەکان بە ڕووی بەرکەوتنی قەیرانەکان جێدەهێڵن . لە هەمان کاتیشدا نایەکسانییە کۆمەڵایەتی و سیاسی و ئابورییەکان بوونەتە هۆی قەبەکردنی کاریگەرییەکانی پەتاکە.

لە بواری ئابوریدا ، پەتای کۆڤید-١٩ بووە هۆی بەرزبوونەوەی ڕادەی بێکاری لە جیهان و بە شێوەیەکی بەرچاویش داهاتی کرێکاران کەمی کرد .  لە هەموو بوارێکدا، لە تەندروستییەوە بۆ ئابووری، لە ئاسایشەوە  بۆ پاراستنی کۆمەڵایەتی، کاریگەرییەکانی پەتای کۆڤید-19 بە سادەیی بە هۆی ڕەگەزیانەوە لەسەر  ژنان و کچان زیاتر دەبن .

هەروەها لەو  وڵاتانەی کە سیستەمی تەندروستییان هەرە لاوازە و ئەو وڵاتانەش کە قەیرانی مرۆییان هەیە  نایەکسانییەکان بۆ توێژە لاوازەکانی دانیشتوان قوڵتر دەبێتەوە.  پەنابەران و کۆچبەران  و  هەروەها دانیشتوانی  ڕەسەن و  کەسانی بەتەمەن و خاوەن پێداویستییە تایبەتەکان و منداڵان بە شێوەیەکی تایبەت ڕووبەرووی مەترسی دابڕان لە کاروان دەبنەوە و وتاری ڕق و کینە ئامێزیش بەرامبەر چین و توێژە لاوازەکان  دەبنەوە لە بەرزبوونەوەدایە.

کاردانەوە لە هەنبەر پەتاى کۆڤید-19 دا

پەتای کۆڤید-١٩ تەنها بەرەنگاری سیستەمی تەندروستی جیهانی نابێتەوە بەڵکو  ڕادەی مرۆڤایەتی هاوبەشیشمان تاقی دەکاتەوە . سکرتێری گشتی نەتەوە یەکگرتووەکان داوای هاوسۆزی کردنی کرد  لەگەڵ هەژارترین و لاوازترینی جیهان کە پێویستییان بە پشتیوانیی بەپەلە هەیە لە وەڵامدانەوەی خراپترین قەیرانی ئابووری و کۆمەڵایەتی بە درێژایی چەندین نەوە.

سکرتێری گشتی وتی "ئێستا کاتی ئەوەیە پابەندی بەڵێنەکانمان بین و نەهێڵین کەس لە کاروان دا نەبڕێ"  بۆ دڵنیابوون لەوەی کە خەڵک لە هەموو شوێنێک دەستی دەگات بە خزمەتگوزاری سەرەکی و  و پاراستنی کۆمەڵایەتی ، نەتەوە یەکگرتووەکان داوای پشتگیری نێودەوڵەتی لە ڕادەبەدەرو پابەندبوونی سیاسی  کردووە  بە پارەدان لە ڕێگەی سندوقی وەڵامدانەوە و چاکبوونەوەشەوە  کە ئامانج لەم سندوقە پشتگیریکردنی وڵاتانی خاوەن داهاتی مامناوەند و چینە هەژارەکانە ئەوانەی کاریگەریی کۆمەڵایەتی و ئابوریی پەتاکەیان بە شێوەیەکی ناڕێژەیی بەردەکەوێت. هەروەها پێویستە کاتی قەیرانەکە وەک دەرفەتێک بەکار بهێنرێت بۆ وەبەرهێنان لە سیاسەتەکان  و دامەزراوەکان کە دەتوانن ڕێڕەوی بابەتەکان دەربارەی نایەکسانی بگۆڕن .

بۆ سوود وەرگرتن لەو ساتانەی کە سیاسەتەکان و پێوەرە کۆمەڵایەتییەکان لەوانەیە نەرم و نیان تر بن وەک  لە کاتی ئاسایی ، هەنگاوە بوێرەکان ، ئەوانەی چارەسەری جۆرەکانی نایەکسانی دەکەن کە ئەم قەیرانە پەردەی لەسەر لادا ، لەوانەیە جیهان جارێکی تر بەرەو ڕێڕەوە دروستەکەی  ببات بە ئاراستەی ئامانجەکانی گەشەپێدانی بەردەوام.

بۆ زانینی زانیاری زیاتر دەربارەی ئامانجی دەیەم لە ئامانجەکانی گەشەپێدانی بەردەوام سەردانی  ئەم لینکە بکە :