پەیامی سکرتێری گشتی بەبۆنەی "ڕۆژی جیهانیی زەویی دایک"ەوە

بەبۆنەی "ڕۆژی جیهانیی زەویی دایک"ەوە، ئێمە جەخت لەسەر پەیوەندیی هەرە گرینگی مرۆڤایەتی دەکەینەوە لە پەیوەندیمان لەگەڵ جیهانی سروشتیدا.

ئێمە سوود لە هەوا دەبینین بۆ هەناسەدان و لە ئاو بۆ خواردنەوە و لە خاکیش بۆ دابینکردنی خۆراک.

بێگومان، تەندروستیی مرۆڤایەتی بەندە بە تەندروستی زەوی دایکەوە هەرچەندە ئێمە لەوە دەچێت کە لەسەر تێکدانی مکوڕ بین. لە لایەکی ترەوە، کارەکانمان دەبنە مایەی وێرانکردنی دارستانەکان و جەنگەڵەکان و زەوییە کشتوکاڵییەکان و ئۆقیانووسەکان و دەریاکان و رووبارەکان و دەریاچەکان.

جۆراوجۆریی بایۆلۆژی بەرەو داڕمان دەچێت بەو پێیەی یەک ملیۆن جۆر لەسەر لێواری لەناوچوونن. بۆیە پێویستە ئێمە ئەم شەڕە بێ مانا و بەردەوامە لەگەڵ سروشتدا بوەستێنین بەتایبەتی کە ئێمە ئامراز و زانیاری و چارەسەریشمان لەبەر  دەستدایە. ئێمە لەپێناو کەمکردنەوەی دوکەڵی دەردراو و بەرزەوتکردنی بەرزبوونەوەی پلەی گەرمیی جیهانی بۆ ١،٥ پلەی سیلیزی،

پێویستە بەشێوەیەکی خێراتر و قووڵتر کاری ژینگەیی خێرا بکەین. ئێمە هەروەها پێویستمان بە وەبەرهێنانی  هەمەلایەنانە هەیە لە پەیڕەوکردن و بووژانەوە بە تایبەتیش بۆ وڵات و کۆمەڵگا هەژارەکان کە کەمترین کاریان بۆ دروستکردنی قەیرانەکان کردووە.

ئیکۆ سیستەمی تەندروست، هەر لە ئۆقیانووسەکان و ڕووبارەکانەوە تا دارستانەکان و دەشتە فراوانە رووتەنەکان، بۆ بەرەنگاربوونەوەی گۆڕانکارییە ژینگەییەکان زۆر گرینگن. دەبا کار بکەین بۆ جێبەجێکردنی ڕێککەوتنی مێژوویی جۆراوجۆریی بایۆلۆژیی نەتەوە یەکگرتووەکان بۆ دڵنیابوون لەوەی کە سی لە سەدی زەوی و ئاو بە هاتنی ساڵی ٢٠٣٠ پارێزراو دەبن.

لە هەر هەنگاوێکیشدا، حکومەت پێویستە پێشەنگ بێت و دەزگا و دەستە و کۆمەڵگەی مەدەنیش بە دڵنیاییەوە رۆڵی گرینگیان هەیە.

لە کۆتاییدا، پێویستە لە زانیاری و سەرکردایەتی و ژیریی "خەڵکی رەسەن" ەوە فێر بین کە خاوەنی ئەزموونێکی ژینگەیی پڕ لە ژیریی هەزاران ساڵەن و خاوەنی چەندین چارەسەریشن بۆ قەیرانە جیهانییەکانی ژینگە و جۆراوجۆری بایۆلۆژی.

من لە ڕۆژی جیهانیی زەویدا، داوا لە هەموو خەڵک دەکەم لەسەرتاسەری جیهاندا بۆ هەڵبڕینی دەنگیان لە قوتابخانە و شوێنی کارکردن و کۆمەڵگا و تۆرە کۆمەڵایەتیەکاندا بۆ داواکردن لە سەرکردەکان بۆ ئەوەی لەگەڵ سروشت ئاشت بن.